ជីវិតកម្សាន្ដ

បែកធ្លាយតារាសម្ដែងជើងចាស់ម្នាក់មានកូនអាយុ១៨ឆ្នាំ តែមិនទាន់បញ្ជាក់ឪពុកកូននោះជានរណា

បានផុស

៣ years មុន

នៅ

ថ្ងៃសុក្រ ១៥ តុលា ២០២១

ដោយ

តារាសម្ដែងម្នាក់ធ្លាប់លេចធ្លោតាំងពីទសវត្សរ៍៩០ អ្នកនាង សឿន ផានផាភួង ទើបធ្លាយចេញរឿងអាថ៌កំបាំងមួយ អំឡុងពេលនាំតារាសម្តែង អាង សុជាតា កូនរបស់នាងដើរតួរឿង(ភ័ព្វព្រេងនាងពិដោរ) ដែលជាតួឯក ហើយទើបធ្លាយចេញថា នេះជាកូនរបស់នាងដែលតារាសម្ដែង ផាភួង រូបនេះខំលាក់អាថ៌កំបាំងជាយូរណាស់មកហើយ។

តារាសម្ដែងរូបនេះដែលមានទេពកោសល្យជាច្រើនរាប់មិនអស់តាំងពីក្មេងរហូតដល់ចាស់ ច្រើនដើរតួ ជំទាវ ស្លូត រឺកាច តែបែរជាលាក់រឿង អាថ៌កំបាំងផ្ទាល់ខ្លួនទៅវិញ។ ហើយថ្មីៗនេះទើបធ្លាយចេញពេលដែលកូននាងមានអាយុ១៨ឆ្នាំហើយ បានថត រឿង ភ័ព្វព្រេងនាងពិដោរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលាក់អាថ៌កំបាំងដ៏យូរអង្វែងនេះ ដែលគេជឿថា នាងគ្មានប្ដីឬកូននោះទេ ព្រោះឃើញនាងចេញថតឬសម្តែងតាមកម្មវិធីនានាតែម្នាក់ឯង តែពេលនេះបានសារភាពហើយថា នាងពិតជាមានកូនមែន ដែលគេពុំដឹងថា ឪពុកកូនស្រីនាងជានរណានោះឡើយ។ តែផាភួង នៅតែលាក់អាថ៌កំបាំងថា ប្ដីជានរណានោះទេ នាងថាមិនអាចប្រាប់នៅពេលនេះទេ សុំលាក់សិន ។

តារាសម្ដែងស្រស់ក្មេងដែលអះអាងថា ជាកូននោះ ឈ្មោះ អាង សុជាតា មានអាយុ១៨ឆ្នាំ នាងបានសារភាពត្រង់ៗតាមរយៈ facebook ជាមួយម្តាយថា គាត់ពិតជាម្តាយរបស់ខ្ញុំមែន បានអ្នកម្តាយជួយបង្ហាត់បណ្តុះបណ្តាលចូលសិល្បៈ កាលពីមុនខ្ញុំច្រើនដើរតួរងទេ តែពេលនេះខ្ញុំថតតួឯកហើយ ក្នុងរឿង(ភ័ព្វព្រេងនាងពិដោរ)។

ទោះយ៉ាងណា ផាភួង បានសារភាពត្រង់ៗថា ពិតជាកូនខ្ញុំមែន ហើយខ្ញុំកំពុងជំរុញកូនខ្ញុំចូលសិល្បៈ។ក្នុងនាមជាតារាសម្តែងម្នាក់ជាតារាសម្តែងម្នាក់ ត្រូវតែលាក់អាថ៌កំបាំងសិន ដើម្បីភាពល្បីល្បាញ។ ទោះជាយ៉ាងណាឪពុកដែលជាកូនរបស់នាងជានរណានោះនាងនៅតែរក្សាភាពស្ងៀមស្ងាត់ដដែល៕

អត្ថបទ៖ រុងរឿង