ជីវិតកម្សាន្ដ

ភាពល្បីរន្ទឺរបស់លោកស្រី ឌី សាវ៉េត ធ្វើឲ្យលេច ធ្លោក្នុងសង្គមថៃកាលពីទសវត្ស៧០

បានផុស

៣ years មុន

នៅ

ថ្ងៃសុក្រ ១៥ តុលា ២០២១

ដោយ

ភ្នំពេញ ៖ មហាជនខ្មែរគ្រប់មជ្ឈដ្ឋាននិងទូទាំងប្រទេសបានជ្រាបច្បាស់ហើយនៅភាពល្បីល្បាញរបស់តារាសិល្បៈជើងចាស់លោកស្រីឌី សាវ៉េត ដែលលោកស្រីតែងទទួលបានការគាំទ្រខ្ពស់ថែមទាំងសរសើរពីសមត្ថភាពនិងទេពកោសល្យនានានៅក្នុងអាជីពសិល្បៈរហួតមកទល់ពេលបច្ចុប្បន្ន។

ដោយឡែកបើយោងតាមការចុះផ្សាយ នៅលើទំព័រហ្វេសប៊ុករបស់ក្រុមព្រះសូរិយាបានធ្វើការបរិយាយភ្ជាប់នឹងរូបភាពរបស់លោកស្រី ឌី សាវ៉េត បែបនេះថា កិត្យានុភាពដ៏ឧត្តមនិងគួរឲ្យមានមោទនភាពរបស់តារាភាពយន្តខ្មែរក្នុងសម័យយុគមាសគឺកើតចេញពីការខិតខំបង្កើតស្នាដៃក្នុងរសពណ៌សម្បុរជាខ្មែរព្រមទាំងទេពកោសល្យពីកំណើតរបស់ពួកគាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងគួរឲ្យមានក្តីរំភើបនិងមានមោទនភាពណាស់ ដែលក្រុមអ្នកស្រាវជ្រាវប្រវត្តិតារាសិល្បៈខ្មែរមួយក្រុមខាងលើបានរកឃើញរូបជាច្រើនសន្លឹកនៃតារាភាពយន្តខ្មែរ គឺ លោកស្រី ឌី សាវ៉េត នៅក្នុងទំព័រទស្សនាវដ្តីធំៗរបស់ថៃ ដែលបានចុះផ្សាយនៅទសវត្ស៧០ក្នុងពេលដែលភាពយន្តខ្មែរកំពុងស្ថិតក្នុងចំណុចកំពូល និងមានភាពល្បីល្បាញពេញទ្វីបអាស៊ី។

ប្រភពបញ្ជាក់ថា រូបទាំងនោះគឺបានចេញផ្សាយជា ច្រើនលេខនៅក្នុងទស្សនាវដី្តធំៗរបស់ថៃដោយក្នុងនោះរួមមាន,ទស្សនាវដី្ត លោកតារា , ទស្សនាវដី្ត តា រាថៃ , ទស្សនាវដី្ត តារារដ្ឋ ជាដើម។

ដោយបានឃើញរូបទាំងនោះ នៅក្របខាងមុខក្របខាងក្រោយនិងទំព័រពិសេស ក្នុងទម្រង់ពណ៌ធម្មជាតិភ្លឺច្បាស់ៗតែម្តង ដែលនេះបានសបញ្ជាក់ឲ្យឃើញថា ប្រទេសថៃ ដែលជាប្រទេសជិតខាងរបស់យើងក៏បានទទួលស្គាល់វិស័យសិល្បៈភាពយន្តខ្មែរថាមានភាពល្អថ្លៃថ្លានិងមានភាពល្បីល្បាញគួរឲ្យសរសើរដែរ។

តាមការរៀបរាប់ពីលោកស្រី ឌី សាវ៉េត ប្រាប់ឲ្យដឹងនាពេលកន្លងទៅថានៅសម័យនោះពេលលោកស្រី ទៅថតរឿង ជីវិតផ្សងព្រេង និងរឿង ពស់កេងកង (ភាគពីរ)ព្រមទាំងទៅសម្ពោធភាពយន្តខ្មែរដែលបញ្ចាំងនៅប្រទេសថៃជារឿយៗនោះតែងតែមានក្រុមទស្សនាវដ្តីធំៗជាច្រើនណាស់នៃប្រទេសថៃមកទាក់ទងសុំលោកស្រី ថតរូបដាក់ក្នុងទំព័រទស្សនាវដ្តីរបស់គេក្នុងនាមតារាខ្មែរដែលប្រជាជនថៃចូល ចិត្ត គាំទ្រនិងស្រឡាញ់។

គួររំលឹកផងដែរថា តាមការស្រាវជ្រាវកន្លងបានរកឃើញថា ក្រៅពីលោកស្រី ឌី សារ៉េត តារារៀមច្បងនៃកម្ពុជានោះក៏មានលោក គង់ សំអឿន និងលោកស្រី ទិត្យ វិជ្ជរ៉ាដានី ធ្លាប់ថតម៉ូដែលដាក់ក្នុងទំព័រទស្សនាវដ្តីរបស់ថៃផងដែរ៕

ដោយ ៖ ចាន់រ៉ា