ជីវិតកម្សាន្ដ

សេង សូណា តូចចិត្តខ្លាំង ខណៈគ្មានអ្នកជួយដូច ខ្ញុង

បានផុស

៣ years មុន

នៅ

ថ្ងៃពុធ ២០ តុលា ២០២១

ដោយ

តារាសម្តែងសិចស៊ី សេង សូណា ថ្មីៗនេះត្រូវបានមហាជនដឹងហើយថា នាងបានឆ្លងជំងឺកូវីដ-១៩ ប៉ុន្តែក្រោយចូលព្យាបាលជាង២០ថ្ងៃ បច្ចុប្បន្នបានជាសះស្បើយវិញហើយ។

យ៉ាងណាមិញ ថ្វីត្បិតជាសះស្បើយពីកូវីដ-១៩ តែ សេង សូណា នៅតែប្រឈមនឹងជំងឺប្រចាំកាយជាច្រើនមុខទៀតដូចជា ជំងឺលើសឈាម ទឹកនោមប្រៃ ខ្សោយបេះដូង និងឡើងខ្លាញ់ ឡើងអាស៊ីតជាដើម។ដោយសារហេតុផលនេះហើយទើបធ្វើឲ្យនាងជួបការលំបាកខ្លាំងសម្រាប់ជីវភាពប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រី សេង សូណា បានលើកឡើងថា «ហេតុអ្វីបានជាបងៗអ្នកមានមួយចំនួនមិនជួយខ្ញុំដូចបងស្រី ខ្ញុង ផង ហើយខ្ញុំក៏ជាអ្នកសិល្ប:មួយរូបដែរហ្នឹង។ ខ្ញុំទាល់ ខ្ញុំក្រ ហើយខ្ញុំមានជំងឺទៀត សូម្បីតែផ្ទះផ្ទាល់ខ្លួនក៏គ្មាននៅដែរ»។

តារាសម្តែង សេង សូណា បន្តទៀតថា «ផ្ទះដែលរស់នៅរាល់ថ្ងៃនេះ គឺជួលគេទេខ្ញុំជិតស្លាប់ទៅវិញហើយ ។ ហ៊ឺ….! តូចចិត្តណាស់ ធ្វើមិចកើតមកជាតិនេះគ្មានវាសនាដូចគេ ឬក៏ខ្ញុំមិនចេះយំ បានជាគេមិនជឿថាខ្ញុំវេទនាពិតប្រាកដ»។

បន្ថែមពីនេះតារាស្រី សេង សូណា បានបញ្ជាក់ប្រាប់ កម្ពុជាថ្មី ថា ក្រោយពីជាសះស្បើយកូវីដ-១៩មកនោះសព្វថ្ងៃនាងជួបការលំបាក និងខ្វះខាតខ្លាំង។ ម្យ៉ាងទៀតនាងក៏មានជំងឺច្រើនមុខទៀត ដូច្នេះនាងសូមអំពាវនាវដល់មន្ទីរពេទ្យណាដែលចិត្តធម៌អាចឲ្យនាងពិនិត្យដោយឥតគិតថ្លៃសុំជួយនាងផង ព្រោះពេលនេះគ្មានលុយហើយជំងឺក៏ធ្វើទុកផងដែរ៕

អត្ថបទ៖ ចាន់រ៉ា