ជីវិតកម្សាន្ដ

ចោម ច័ន្ទ ចេញមុខសុំទោសក្រោយយកតុក្កតាជ័រមកLive ក្នុងសកម្មភាពមិនសមរម្យ

បានផុស

៣ years មុន

នៅ

ថ្ងៃពុធ ២០ តុលា ២០២១

ដោយ

បន្ទាប់ពីមានការរិះគន់តារាហ្វ៊េសប៊ុកល្បីឈ្មោះអ្នកនាង ចោម ច័ន្ទ ដែលស្គាល់ថា ជាបងស្រីបង្កើតតារាស្រីសិចស៊ីកញ្ញា ដេននី ក្វាន់ ពេលនេះបានចេញមុខសុំទោសមហាជន និងមហាជនជាសារធារណ:។

ការចេញមុខសូមទោសពីសំណាក់អ្នកនាង ចោម ច័ន្ទ នេះ ក្រោយពេលនាងត្រូវរងការរិះគន់យ៉ាងចាស់ដៃពីសំណាកមហាជន និងអ្នកប្រើប្រាស់បណ្តាញសង្គម ពិសេសលោកជំទាវ ហ៊ុន ស៊ីណាត លើសកម្មភាពដែលនាងបានយកតុក្កតាជ័រមកឡាយវីដេអូ ក្នុងសកម្មភាពមិនសមរម្យនាំឲ្យប៉ះពាលដល់សីលធម៌សង្គមនិងតម្លៃជាស្ត្រីខ្មែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ចោម ច័ន្ទ បានចេញមុខសុំទោសបែបនេះថា នាងសូមខន្តីអភ័យទោសនិងសូមអធ្យាស្រ័យនូវកំហុសខុសឆ្គងដោយអចេតនានូវវីដេអូ សកម្មភាពវីដេអូLiveដែលនាងបានLive លើបណ្តាញសង្គមហ្វេសប៊ុកជាមួយការលេងសើចជាមួយរូបតុក្កតាជ័រដោយក្នុងន័យលេងសើចសប្បាយធម្មតាៗមិនមានចេតនាអាក្រក់នោះទេ ។

ប៉ុន្តែដោយសារមានការណែនាំ និងរិះគន់ក្នុងន័យស្ថាបនាពីបងប្អូនមហាជនជាច្រើនក្នុងបណ្តាញសង្គមទើបធ្វើឱ្យនាងភ្ញាក់ខ្លួន និងបានដឹងពីកំហុសដោយអចេតនា។ នាងសូមសុំទោសជាសាធារណ:ទៅកាន់បងប្អូនក្នុងបណ្តាញសង្គមទាំងអស់ ។

ដោយឡែកកាលពីរសៀលថ្ងៃទី១៩ ខែតុលា ឆ្នាំ២០២១ អ្នកនាង ចោម ច័ន្ទ ក៏បានឡាយវីដេអូធ្វើការសុំ ទោសលោកជំទាវ ហ៊ុន ស៊ីណាត ដែរថា«នាងខ្ញុំសូមឡាយសូមទោសលោកជំទាវមីង ហ៊ុន ស៊ីណាត និងបងប្អូននៅក្នុងបណ្តាញសង្គមហ្វេសប៊ុក នូវកំហុសដោយអចេតនាចំពោះសកម្មភាពវីដេអូឡាយជាមួយ តុក្កតាជ័រ » ៕

អត្ថបទ៖ ចាន់រ៉ា