ជីវិតកម្សាន្ដ

តារាកំប្លែង នាយ គ្រៀវ ទទួលមរណភាពក្នុងអាយុ៥៩ឆ្នាំ

បានផុស

៣ years មុន

នៅ

ថ្ងៃព្រហស្បតិ៍ ២១ តុលា ២០២១

ដោយ

បន្ទាប់ពីធ្លាក់ខ្លួនឈឺ និងបាត់មុខពីសិល្ប:រយ:ពេលច្រើនឆ្នាំ តារាកំប្លែងនាយ គ្រៀវ ពេលនេះក៏មានដំណឹងដ៏ភ្ញាក់ផ្អើលនិងរន្ធត់ថា នាយបានទទួលមរណភាពហើយ។

បើយោងតាមការបញ្ជាក់ពីលោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមបានឲ្យដឹងថាតារាកំប្លែងជើងចាស់លោក នូ សារុំ ហៅនាយ គ្រៀវ បានទទួលមរណភាពកាលពីថ្ងៃទី២០ ខែតុលា ឆ្នាំ២០២១ វេលាម៉ោង១២និង៣០នាទីថ្ងៃត្រង់ក្នុងជន្មាយុ៥៩ឆ្នាំ ដោយរោគាពាធ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង ឡុង បន្តទៀតថា បច្ចុប្បន្នសព នាយ គ្រៀវ បានតម្កល់នៅគេហដ្ឋានស្ថិតនៅផ្ទះលេខ២៣៩ផ្លូវ៣៥៧ សង្កាត់ច្បារអំពៅ ខណ្ឌច្បារអំពៅ ។

តាមរយ:ដំណឹមរណ:ទុក្ខដ៏សោកសៅ និងក្រៀមក្រំបំផុតនេះដែរគេឃើញមានអ្នកគាំទ្រ និងមហាជនព្រមទាំងអ្នកសិល្ប:ជាច្រើនបានសម្តែងការចូលរួមរំលែកទុក្ខជាមួយក្រុមគ្រួសារ។

មរណភាពរបស់តារកំប្លែងនាយ គ្រៀវ គឺជាការបាត់បង់នូវធន់ធានសិល្បករមួយរូបផ្នែកកំប្លែងដ៏មានទេពកោសល្យក្នុងបុព្វហេតុលើកស្ទួយតម្លៃវប្បធម៌ជាតិខ្មែរ និងជាការបាត់បង់នូវស្វាមីឪពុក ជីតា មួយរូបដ៏ល្អនិងជាទីគោរពស្រឡាញ់ប្រកបដោយព្រហ្មវិហារធម៌ផងដែរ ៕

អត្ថបទ៖ ចាន់រ៉ា