ក្រោយសាមីខ្លួនចេញមុខសុំទោស អតីតមិត្តស្រី Kim Seon Ho ថាគ្រប់យ៉ាងជារឿងយល់ច្រឡំ

បន្ទាប់ពីលោក Kim Seon-ho តួឯកប្រុសរឿង “Hometown Cha-Cha-Cha” បានចេញមុខសុំទោសជាសាធារណៈចំពោះអតីតមិត្តស្រី ជុំវិញរឿងរ៉ាវឱ្យនាងរំលូតកូន ប៉ុន្មានម៉ោងក្រោយមក នាងបានចេញមុខសារភាពថារឿងទាំងអស់នោះសុទ្ធតែជាការយល់ច្រឡំប៉ុណ្ណោះ ដោយនាងបានទទួលការសុំទោសពីលោករួចមកហើយ។

ប្រភពពី Koreaboo បានឱ្យដឹងថា អតីតមិត្តស្រី លោក Kim Seon-ho បានបង្ហោះសារមួយក្នុងបណ្តាញសង្គមរបស់នាង ដោយនិយាយការពិតថា៖

“ខ្ញុំសុំទោសដែលការបង្ហោះរបស់ខ្ញុំធ្វើឱ្យប៉ះពាល់ដល់មនុស្សជាច្រើន។ ខ្ញុំនិងគាត់ពិតជាធ្លាប់ស្រឡាញ់គ្នាយ៉ាងខ្លាំង ដូចនេះខ្ញុំមិនអាចបន្តមើលគាត់ទទួលរងគ្រោះដោយសារតែការបង្ហោះរបស់ខ្ញុំនោះទេ។ កន្លងមក ខ្ញុំបានទទួលការសុំទោសពីគាត់ (Kim Seon Ho)រួចហើយ នេះគ្រាន់តែជារឿងយល់ច្រឡំទេរវាងយើងទាំងពីរប៉ុណ្ណោះ។ ខ្ញុំសង្ឃឹមថាឈប់មានព័ត៌មានមិនពិតណាមួយដែលទាក់ទងនឹងពួកយើងបន្តទៅទៀត។”

ដោយសារតែរឿងយល់ច្រឡំមួយនេះ តារាសម្តែង Kim Seon Ho បានបាត់បង់ការងារថតនិងខកខានរឿងថ្មីជាច្រើនរឿង។ យ៉ាងណាក្ដី អតីតមិត្តស្រីរូបនោះបានបង្ហាញអារម្មណ៍សោកស្តាយ និងចេញមុខសុំទោសចំពោះការខូចខាតដែលបណ្តាលមកពីការបង្ហោះរបស់នាង៕

ប្រែសម្រួល៖ សន្យា

ចុចអាន៖ តួឯកប្រុស “Hometown Cha-Cha-Cha” ចេញមុខសុំទោសជុំវិញរឿងអាស្រូវដែលឱ្យអតីតមិត្តស្រីរំលូតកូនចោល