ជីវិតកម្សាន្ដ

ស្នាដៃភាពយន្តល្បីៗចំនួន២របស់លោកតា ហ្វុយ ស្សូ ធ្លាប់បានប្រកួតនៅលើឆាកអន្តរជាតិ

បានផុស

៣ years មុន

នៅ

ថ្ងៃព្រហស្បតិ៍ ២១ តុលា ២០២១

ដោយ

ភ្នំពេញ ៖ តារាកំប្លែងនិងសម្តែងជើងចាស់ល្បីឈ្មោះលោកតា ហ្វុយហ្សូ ថ្មីៗនេះបានធ្លាក់ខ្លួនឈឺធ្ងន់ត្រូវបញ្ជូនទៅសង្គ្រោះបន្ទាន់នៅមន្ទីរពេទ្យរ៉ូយ៉ាល់ភ្នំពេញ។ដំណឹងនេះបានធ្វើឲ្យអ្នកគាំទ្រជាច្រើនបង្ហាញការព្រួយបារម្ភនិងជូនពរគាត់ឲ្យឆាប់ជាសះស្បើយ ពីជំងឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានេះក៏មានការអំពាវនាវដល់សប្បុរសជនមេត្តាចូលរួមឧបត្ថម្ភដើម្បីជួយសង្គ្រោះនិងសម្រាលការលំបាករបស់លោកតា ហ្វុយហ្សូ ផងដែរ។ តួយ៉ាងនៅលើគណនីហ្វេសប៊ុកមួយមានឈ្មោះថា ឆាយ លីណា បានបង្ហោះភ្ជាប់រូបភាពរបស់លោកតាកំពុងសម្រាកព្យាបាលនៅមន្ទីរពេទ្យថាសូមទេវ តាជួយប្រទានពរលោកសាស្ត្រាចារ្យបានធូរស្បើយឆាប់ៗបើអាចសូមបងប្អូនកូនក្មួយជួយតបស្នងគុណបន្តិចម្នាក់ផង….។

ប្រភពបានបន្តថា ស្ទើរពេញ១ជីវិតលោកតា ហ្វុយ ស្សូ បានលះបង់ដើម្បីវប្បធ៌ជាតិខ្មែរ។ខាងក្រោមនេះជាស្នាដៃខ្លះៗរបស់លោក។

*ភាពយន្តទី១, “Still I Strive”គឺជាភាពយន្តឯក សារតែមួយគត់នឹងដំបូងគេបំផុតដែលបានចូលរួមប្រកួតនៅលើឆាកអន្តរជាតិនៅប្រទេសកូរ៉េ ឆុតឆា កសាច់រឿងទាំងមូលលាយជាមួយក្បាច់គុណបុរាណខ្មែរដែលនិយាយអំពីគោលបំណងនឹងការខិត ខំប្រឹងប្រែងបង្កើតសមាគមរបស់តារាកំប្លែងជើងចាស់លោក ស៊ូ សាវ៉ាង ហៅលោកតា ហ្វុយស្សូ នឹងជីវប្រវត្តិរបស់កុមារកំព្រាមួយចំនួនដែលស្នាក់នៅក្នុងសមាគម។

*ភាពយន្តទី២,គឺរឿង “អ្នកស្រែ” ដែលជាភាពយន្តខ្មែរដំបូងបង្អស់បានចូលរួមប្រកួតពានរង្វាន់អូស្កា នៅមហោស្រពកានប្រទេសបារាំងអ្នកស្រី ប៉េង ផា ន គឺជាអង្គឯកម្តាយដែលផ្ទៃរឿងទាំងមូលគឺដកស្រង់ចេញពីជីវិតពិតរបស់គ្រួសារអ្នកស្រែមួយនៅមុនសម័យប៉ុលពត១៩៧៥។

បើតាមការបញ្ជាក់ពីអ្នកនាង ស៊ូ វណ្ណថា ដែលត្រូវជាកូនស្រីបង្កើតលោកតា ហ្វុយស្សូ ធ្លាប់បានរៀបរាប់ឲ្យដឹងថាលោកតា ហ្វុយស្សូ ត្រូវបានបញ្ជូនទៅសម្រាកព្យាបាលនៅមន្ទីរពេទ្យរ៉ូយ៉ាល់ភ្នំពេញតាំងពីថ្ងៃទី១០ខែតុលាឆ្នាំ២០២១កន្លងមកម្ល៉េះ។

អ្នកនាងបន្តថា មូលហេតុដែលឪពុក(តារាកំប្លែង ហ្វុយស្សូ)ធ្លាក់ខ្លួនក្នុងសភាពធ្ងន់ធ្ងរបែបនេះគឺដោយសារតែលោកមានជំងឺរលាកសួតនិងរលាកតម្រងនោមព្រោះកាលពីប្រមាណជាង១០ឆ្នាំមុនគាត់ធ្លាប់មានជំងឺរបេងម្ដងរួចមកហើយទើបក្រោយមកក៏ស្រាប់តែកើតជំងឺនេះតែម្តង៕

ដោយ ៖ ចាន់រ៉ា