ជីវិតកម្សាន្ដ

CL ចូលទ្រនំថ្មី ជាមួយតារាល្បីៗដូចជា Dua Lipa

បានផុស

៣ years មុន

នៅ

ថ្ងៃសុក្រ ២២ តុលា ២០២១

ដោយ

តាមរបាយការណ៍មួយបានបញ្ជាក់ថា តារាចម្រៀងស្រីកូរ៉េខាងត្បូង CL បានចុះកុងត្រាជាមួយទីភ្នាក់ងារគ្រប់គ្រងថ្មី របស់នាង នៅថ្ងៃទី ២១ ខែតុលា ម្សិលមិញ (ម៉ោងក្នុងស្រុក) ។ ការប្រកាសជាផ្លូវការថានេះ គឺបញ្ជាក់ថា CL បានចុះហត្ថលេខាជាមួយ TaP Music សម្រាប់ការគ្រប់គ្រងការផ្សព្វផ្សាយទូទាំងពិភពលោករបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wendy Ong ដែលជាសហប្រធានសកលរបស់ TaP Music បានកត់សម្គាល់ថា “CL គឺជាកំពូលតារាដ៏គួរឲ្យទាក់ទាញបំផុតមួយរបស់ពិភពលោក ជាមួយនឹងផ្នែកការងារចម្រុះ ដែលធ្វើឲ្យយើងទាំងអស់គ្នាចង់បានកាន់តែច្រើន និងមានស្មារតីឯករាជ្យយ៉ាងខ្លាំងក្លា ដែលសក្ដិសមនឹងខ្លួនយើង។ ខ្ញុំពិតជាមានមោទនភាពណាស់ ហើយមានកិត្តិយសក្នុងការស្វាគមន៍ CL មកកាន់តន្ត្រី TaP យើងទន្ទឹងរង់ចាំជួយនាង ពង្រីកអ្នកគាំទ្រទូទាំងពិភពលោករបស់នាងផងដែរ។

ទន្ទឹមនឹងនោះ CL បានបញ្ចេញមតិថា “ខ្ញុំ និងក្រុមរបស់ខ្ញុំ Very Cherry និងរំភើបចិត្តដែលបានចាប់ដៃគូជាមួយ TaP ។ ខ្ញុំពិតជារំភើបក្នុងការចែករំលែកគំនិតជាមួយ Wendy Ong ហើយទន្ទឹងរង់ចាំការជំរុញព្រំដែនជាមួយគ្នា” ។

គួរបញ្ជាក់ផងដែរថា បញ្ជីឈ្មោះតារារបស់ TaP Music បច្ចុប្បន្នរួមមានសិល្បករល្បីៗដូចជា Dua Lipa, Lana Del Rey, Ellie Goul ding, Hailee Steinfeld និងតារាច្រើនទៀត។