ជីវិតកម្សាន្ដ

តើ ខ្ញុង បានផ្តាច់ខ្លួនចេញពីក្រុមកំប្លែងរបស់CTN ទេមុនពេលផ្ទុះរឿងបំណុលវ័ន្តក?

បានផុស

៣ years មុន

នៅ

ថ្ងៃសុក្រ ២២ តុលា ២០២១

ដោយ

គេចាំបានថា តារាកំប្លែងល្បីឈ្មោះអ្នកនាង ស្រេង សុកាន់ដា ហៅ ខ្ញុង កាលពីកន្លងទៅធ្លាប់បានប្រកាសគម្រោងឈប់ពីសិស្ប:ម្តងរួចមកហើយ។ ប៉ុន្តែក្រោយមានសួរនាំពីមហាជនកាលនោះនាងក៏បានបញ្ជាក់វិញថា ខ្លួនឈប់តែពីទូរទស្សន៍CTNប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាងថា ការលាឈប់ពីCTNដោយសាតែរវល់ការងារផ្ទាល់ខ្លួន និងមើលថែកូនទើបមានការរអៀសខ្លួនរឿងបើកប្រាក់ខែ ព្រោះតែខ្លួនមិនបានធ្វើការងារពេញលេញឲ្យខាងទូរទស្សន៍ CTNទើបក៏សម្រេចចិត្តសុំឈប់តែម្តង។ ប៉ុន្តែយ៉ាងណាមិញទន្ទឹមគ្នានឹងផ្ទុះការផ្ទុះរឿងបំណុលវ័ន្តកកក្រើនសង្គមខ្មែរក៏ស្រាប់តែមានសំនួរដែរថា តើបច្ចុប្បន្ន ខ្ញុង នៅតែជាតារាកំប្លែងក្នុងក្រុមរបស់CTN ឬឈប់ហើយ?។

ទោះបីមានសំនួរបែបនេះតែនៅមិនទាន់មានចម្លើយពីសាមីខ្លួនអ្នកនាង ខ្ញុង ទេ ព្រោះបច្ចុប្បន្ននាងកំពុងតែពិបាកចិត្តរឿងដោះបំណុល និងការរិះគន់របស់មហាជនជុំវិញរឿងដែរថា នាងរៀបចំឆាកល្ខោនបោកចិត្តអ្នកគាំទ្ររឿងបំណុលជាងកន្លះលានដុល្លារ។

ជុំវិញនឹងបញ្ហាដែលសួរថា ខ្ញុង បានឈប់ពីក្រុមកំប្លែងCTNហើយឬនៅ កម្ពុជាថ្មី នៅព្រឹកថ្ងៃទី២២ ខែតុលាឆ្នាំ២០២១នេះ បានទាក់ទងតាមទូរស័ព្ទទៅលោក សុវណ្ណ រិទ្ធី ហៅលោកតា វ៉ិចទ័រ ដោយលោកបញ្ជាក់ថា ខ្ញុង មិនទាន់ឈប់ពីកំប្លែងទេ។

លោកតា វ៉ិចទ័រ បានបន្តថា កន្លងមក ខ្ញុង ធ្លាប់ប្រកាសឈប់ ប៉ុន្តែដោយមើលឃើញពីអនុស្សាវរីយ៍និងទេពកោសល្យការងាររបស់គាត់កាលនោះលោកក៏បាននិយាយសម្របសម្រួលឲ្យ ខ្ញុង បន្តការងារវិញ។ ជាលទ្ធផល ខ្ញុង ក៏បានមកធ្វើការងាររួមក្រុមវិញ(កំប្លែង)ជាធម្មតា។ លោកបន្ថែមថា បន្ទាប់ពីកើតរឿងរ៉ាវនេះមិនទាន់ដឹងថា ការសម្រេច តើ ខ្ញុង នៅបន្តឬយ៉ាងណាទេ៕

អត្ថបទ៖ ចាន់រ៉ា