កំពូលតារាថៃ ជាប់ជាស្រីស្អាតលើសគេ និងជាសេដ្ឋីនីមានទ្រព្យសម្បត្តិវាល់លានដុល្លារ ក្នុងវ័យក្មេងខ្ចី

តារាស្រីប៉ុន្មានដួងនេះ មិនត្រឹមតែជារាជនីសម្រស់ក្នុងវិស័យសិល្បៈ ថៃ ប៉ុណ្ណោះទេ ថែមទាំងជាសេដ្ឋីនីកាន់កាប់ទ្រព្យសម្បត្តិរាប់លានដុល្លារ ដែលសុទ្ធសឹងតែជាប្រាក់រកបានដោយដៃខ្លួនឯង។

Yaya Urasayya

Yaya Ursayya Sperbund ឈ្មោះកាត់ “Yaya” ជាប់ជា​តារា​ស្រី​​មាន​ប្រជាប្រិយ​ភាព​បំផុត​ក្នុង​ប្រទេស​ថៃ។ Yaya ជាកូនកាត់​ថៃ-​ន័រវេស​ ដោយសារការសម្ដែងដ៏ជំនាញរបស់នាង ​នាងបានក្លាយជាតួឯករាប់សិបរឿងមកហើយ។ នាងជាតារាថៃដំបូងគេដែលមានវត្តមាននៅក្នុងទស្សនាវដ្តី Vogue របស់សហរដ្ឋអាមេរិក និងត្រូវបានគេប្រសិទ្ធនាមថា “Queen of Presenters” ក៏ធ្លាប់បានបង្ហាញខ្លួននៅក្នុងការផ្សាយពាណិជ្ជកម្មផលិតផលរហូតជាង ៣០ ប្រេនឯណោះ។ គិតត្រឹមឆ្នាំ ២០២១ Yaya Ursayya មានព្រទ្យសម្បត្តិប្រមាណ ៥ លានដុល្លារអាមេរិក នៅអាយុ ២៧ ឆ្នាំ។

Bella Ranee

Bella Ranee ឬ Ranee Campbell គឺជាតារាសម្ដែងកូនកាត់ថៃ-អង់គ្លេសមួយរូបដែលបានប្រឡូកជាតារាម៉ូឌែលដំបូងកាលពីឆ្នាំ ២០១១។ បន្ទាប់ពីចុះកិច្ចសន្យាជាមួយប៉ុស្តិ៍លេខ 3 ថៃ Bella បានក្លាយជាតួឯកក្នុងរឿង “Porn Prom Onlaweng” ។ រឿងភាគទូរទស្សន៍នេះទទួលបានចំណាត់ថ្នាក់ខ្ពស់បំផុតទី ៥ ក្នុងចំណោមរឿងភាគផ្សេងទៀត កាលពីឆ្នាំ ២០១៣។ ភាពប៉ិនប្រសប់ក្នុងការសម្ដែង បានធ្វើឱ្យនាងក្លាយជាតារាស្រីដែលមានផលិតករហៅថតច្រើនជាងគេនៅក្នុងប្រទេស កំលុងពេលនោះ។

Bella បានឈ្នះពានរង្វាន់ជាច្រើនដូចជា តារាស្រីលេចធ្លោ, តារាសម្តែងស្រីឆ្នើម និងពាន់រង្វាន់ផ្សេងៗទៀត។ ឆ្នាំនេះដែរ Bella Ranee ជាម្ចាស់ទ្រព្យសម្បត្តិប្រមាណ ៥ លានដុល្លារអាមេរិក។

Mookda Narinrak

Mookda Narinrak ជាប់ឈ្មោះជាកំពូលស្រីស្អាត និងសិចស៊ី ក៏ជា idol នៃមនុស្សជាច្រើន នៅក្នុងប្រទេសថៃ។ Mookda ជាអតីតក្រុម Miss Thailand ដែលបានចូលប្រឡូកក្នុងវិស័យសិល្បៈកាលពីឆ្នាំ ២០១៦។ នាងក៏ជាអតីតអ្នករាំម្នាក់ដែលបានឈ្នះការប្រកួតរាំដ៏ល្បីល្បាញ “To Be Number One Idol” ក្នុងឆ្នាំ ២០១២ ។

ក្នុងអាជីពជាតួសម្ដែងភាពយន្ត នាងចាប់ផ្តើមប្រឡូកអំឡុងឆ្នាំ ២០១៦ បន្ទាប់ពីបានចុះកុងត្រាជាមួយប៉ុស្តិ៍លេខ 7។ នៅឆ្នាំ ២០២០ Mookda បានបន្តកុងត្រាជាមួយក្រុមហ៊ុន CH7 រយៈពេល ៥ឆ្នាំទៀត។ បច្ចុប្បន្ន Mookda Narinrak កាន់កាប់ប្រាក់ប្រមាណ ៥ លានដុល្លារអាមេរិក។

Araya A.Hargate

Araya Alberta Hargate ជាតារាសម្តែង តារាម៉ូដែល និងជាតារាទូរទស្សន៍ដ៏មានប្រជាប្រិយភាពវ័យក្មេង របស់ប្រទេសថៃ។ មាន​រហស្សនាម​ថា Chompoo ជាកូនកាត់​ថៃ ឡាវ និង​អង់គ្លេស។ តារាកូនពីររូបនេះ ​លេចមុខក្នុងសិល្បៈដំបូង កាលពី​ឆ្នាំ ១៩៩៨ បន្ទាប់​ពី​បាន​ឈ្នះ​ការ​ប្រកួត​បវរកញ្ញា ​“Miss Motor Show Contest” ។ ក្រោយៗមកទៀត Chompoo កាន់តែលេចធ្លោក្នុងតំណែងជាតួឯកនៅ​ប៉ុស្តិ៍​លេខ​7 ថៃ ហើយនាងក៏មាន​ឈ្មោះល្បីល្បាញទ្វេដងនៅ​ក្នុង​ប្រទេស។

សព្វថ្ងៃ Araya A.Hargate រៀបការរួចហើយ ដោយមានកូនប្រុសភ្លោះពីរនាក់ ហើយនាងក៏ជាម្ចាស់ទ្រព្យផ្ទាល់ខ្លួនប្រមាណ ៥ លានដុល្លារអាមេរិកផងដែរ។

Woranuch Bhirombhakdi

WoranuchBhirombhakdi មានឈ្មោះក្រៅ​ថា “Nune” ជា​តារា​សម្ដែង​ថៃ​ដ៏​មាន​ប្រជាប្រិយ​ភាព​មួយ​រូប​ដែល​បាន​បង្ហាញ​ខ្លួន​ក្នុង​ខ្សែភាពយន្តខ្នាតធំ និង​រឿង​ភាគ​ថៃ​ជា​ច្រើន។ តារាស្រីរូបនេះបានចាប់ផ្តើមអាជីពសម្ដែងតាំងពីឆ្នាំ ១៩៩៥ មកម្ល៉េះ គិតមកទល់ពេលនេះ នាងបង្ហាញខ្លួនក្នុងរឿងភាគប្រហែល ៤០ ​រឿង និងរឿងខ្នាតធំចំនួន ២ ​រឿង។

ទន្ទឹមនឹងកេរ្តិ៍ឈ្មោះ និងភាពល្បីល្បាញ Nune ក៏បានឈ្នះការតែងតាំងជាច្រើន ថែមទាំងទទួលបានពានរង្វាន់ផ្សេងទៀតផងដែរ។ ក្នុងឆ្នាំ ២០០៤ នាងបានឈ្នះពានរង្វាន់ “តារាសម្តែងស្រីនាំមុខគេ” សម្រាប់កម្មវិធី “Mae Ai SaeEun” ។ ឆ្នាំនេះ Woranuch Bhirombhakdi មានទ្រព្យសម្បត្តិប្រមាណ ៥ លានដុល្លារអាមេរិក។

Natapohn Tameruks

NatapohnTameeruks ត្រូវបានគេស្គាល់ផងដែរថាជា ‘Taew’ ដែលនាងជាកូនកាត់ថៃ-ចិន។ នាង​ទទួល​ភាព​ល្បីល្បាញ ​បន្ទាប់​ពី​លេច​មុខ​ក្នុង​ការ​ផ្សាយ​ពាណិជ្ជកម្ម​ឱ្យ​ផលិតផល​ទឹកដោះគោ​ចិន។ ជាមួយនឹងរូបរាង​ដ៏​ស្រស់​ស្អាត និង​ការសម្ដែង​គួរ​ឱ្យ​ទាក់​ទាញ ​​​ធ្វើ​ឱ្យ​នាង​ទទួល​បាន​ការ​ពេញ​ចិត្ត​ពី​សំណាក់​មហាជន​ត្រឹមពេលដ៏ខ្លី។ បន្ទាប់បីនោះ នាងបានចុះកុងត្រាថតជាមួយប៉ុស្តិ៍លេខ 3 ថៃ សម្រាប់កម្មវិធីទូរទស្សន៍ និងភាពយន្តជាច្រើនរឿង។

Taew ធ្លាប់ឈ្នះពានរង្វាន់ “Female Rising Star” ក្នុងឆ្នាំ ២០០៨ ហើយបន្តទទួលបានពានរង្វាន់ និងការតែងតាំងជាច្រើនទៀតតាមរយៈអាជីពរបស់នាង។ ក្នុងឆ្នាំ ២០២០ នាង និងតារាប្រុស James Jirayu បានឈ្នះពានរង្វាន់ “Thai Crazy Awards Best Couple Award” ។ ​ហើយមកទល់នឹងឆ្នាំ ២០២១ Natapohn Tameruks មានប្រាក់ប្រមាណ ៥ លានដុល្លារអាមេរិក ដែលទ្រព្យរកបានដោយខ្លួនឯង។

Patcharapa Chaichua

ថ្វីត្បិតតែមានវ័យខ្ទង់ ៤០ ឆ្នាំក៏ដោយ ក៏ Patcharapa Chaichua នៅតែគ្រងតំណែងជាតារាស្រីដ៏ប្រជាប្រិយបំផុតរបស់ប្រទេសថៃ។ កើតនៅទីក្រុងបាងកក Patcharapa បានចូលប្រឡូកក្នុងវិស័យម៉ូឌែល និងកម្សាន្តតាំងពីឆ្នាំ ១៩៩៧ មកម្ល៉េះ។ នាងទទួលបានភាពល្បីល្បាញភ្លាមៗ បន្ទាប់ពីឈ្នះការប្រកួតមួយដែលមានឈ្មោះថា HACKS។ ក្នុងឆ្នាំ ២០០៣ Patcharapa បានដើរតួជាតួឯកក្នុងរឿង “So Sanae Ha” ដែលនាងបានឈ្នះពានរង្វាន់ TOP ឆ្នាំ ២០០៣ សម្រាប់តំណែងតារាសម្តែងនាំមុខគេ។

មានរហស្សនាមថា Aum, Patcharapa ក៏ត្រូវបានជាប់ឆ្នោតជានារីសិចស៊ីបំផុតរបស់ FHM ៣ឆ្នាំជាប់គ្នា (២០០៤-២០០៧)។ ក្រៅ​ពី​ការ​សម្ដែង នាង​ជា​សហគ្រិន​ក្នុង​ពិភព​ជំនួញ​ផងដែរ។ បច្ចុប្បន្ន​នាង​មាន​ភោជនីយដ្ឋានមួយនៅក្នុងប្រទេស និងបានបង្កើត​ម៉ាក​ទឹកអប់​ផ្ទាល់ខ្លួនដំបូង​របស់ប្រទេស​ថៃ ​យីហោ Celeb ដែល​ផលិត​នៅ​ប្រទេស​បារាំង។ មកដល់ក្នុងឆ្នាំ ២០២១ នេះ Aum ជាម្ចាស់ទ្រព្យសម្បត្តិប្រមាណ ១២ លានដុល្លារអាមេរិក។

Mai Davika

Mai Devika Hoorne ត្រូវមហាជនស្គាល់ថា “Mai” គឺជាតារាសម្តែងស្រីថៃដ៏មានប្រជាប្រិយភាព ដែលបានក្លាយជាតួឯកក្នុងរឿងភាគទូរទស្សន៍ដំបូងកាលពីឆ្នាំ ២០១០។ បន្ទាប់ពីទទួលបានភាពជោគជ័យនៅលើទូរទស្សន៍ Mai ចូលប្រឡូកក្នុងខ្សែភាពយន្តខ្នាតធំល្បីៗដូចជារឿង “Pee Mak” “Heart attack” និង “Suddenly Twenty” ។

ត្រឹមវ័យ ២៧ ឆ្នាំ តារា​ស្រីកូនកាត់ថៃ-​បែលហ្សិករូបនេះ អាចរកប្រាក់បាន ៥ លានដុល្លារអាមេរិកទៅហើយ។ នាងក៏ជាម៉ូឌែលល្បីឈ្មោះដែលតំណាង​ម៉ាក​យីហោ​អន្តរជាតិ​ប្រណីតៗ​ជា​ច្រើន​ដូច​ជា L’Oreal, Michael Kors, Dolce និង Gabbana ជាដើម។ គិតមកដល់ឆ្នាំ ២០២១ នេះ Mai Devika Hoorne មានទ្រព្យសម្បត្តិផ្ទាល់ខ្លួនប្រមាណ ២០ ដុល្លារអាមេរិក។

Baifern Pimchanok

PimchanokLuevisadpaibu ត្រូវបានគេស្គាល់ថា Baifern ជាតារាស្រីថៃដ៏ល្បីមួយរូប ដែលបានបង្ហាញខ្លួនជាលើកដំបូងក្នុងឆ្នាំ ២០១០ ដែលកាលណោះ នាងបានចុះកុងត្រាជាមួយប៉ុស្តិ៍លេខ 7 (២០១០-២០១៦) ។

ចាប់ពីឆ្នាំ ២០១៧ មក Baifern បានផ្ដាច់ខ្លួនក្លាយជាតារាស្រីឯករាជ្យ (Freelancing) នាងបានឈ្នះពានរង្វាន់ Nataraja ពីរដង ក្នុងឆ្នាំ ២០១៧ និង ២០២០ សម្រាប់តួសម្ដែងឆ្នើមនៅក្នុងរឿង “Lhong Fai” និងរឿង “Fallen Leaves” ។ មកទល់ពេលនេះ  Baifern Pimchanok មានប្រាក់ប្រមាណ ២០ លានដុល្លារអាមេរិក នៅក្នុងដៃ៕

ប្រែសម្រួល៖ សន្យា

ចុចអាន៖ កំពូលតារាស្រីសម្រស់ស្អាត ​មានឥទ្ធិពលខ្លាំងក្នុងវិស័យសិល្បៈនៅប្រទេស ចិន នាឆ្នាំនេះ

ចុចអាន៖ ពានរង្វាន់កំពូលតួសម្ដែងឆ្នើមប្រចាំឆ្នាំ ២០២១ បានទៅលើតារាកូរ៉េ ៣ដួងនេះ