ជីវិតកម្សាន្ដ

សុខ រ៉ាស៊ី សរសើរនិងអាណិតលោក ឌួង ឆាយ ដែលមិនបានជួបកូនៗ

បានផុស

៣ years មុន

នៅ

ថ្ងៃអង្គារ ២៦ តុលា ២០២១

ដោយ

ពិធីករដ៏មានប្រជាប្រិយភាពលោក សុខ រ៉ាស៊ី បានបង្ហាញការអាណិតនិងសរសើរខ្លាំងចំពោះលោក ឌួង ឆាយ បន្ទាប់បានអានសំណេរដ៏កម្សត់ដែលបង្ហោះចែករំលែកនៅលើបណ្តាញសង្គម។

លោក សុខ រ៉ាស៊ី បានលើកឡើងថា អ្នកមានកូនបានយល់អារម្មណ៍នេះ បើមនុស្សមិនគិតពីកូនថ្មើរនេះប្រហែលដេកឱបស្រីថ្មីហើយសោយសុខលើគំនរមាសប្រាក់បាត់ហើយ។ សូមសរសើរគាត់ទោះរវល់យ៉ាងណាតែគិតដល់កូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា ពាក្យដែលគាត់សរសេរថា អានិតកូនៗ ខ្ញុំខ្វះភាពកក់ក្តៅ(ក្នុងស្ថានភាពមិនអាចជួបកូនបង្កើតយើងបាន)ខ្ញុំមានកូនដែរខ្ញុំអានហើយទប់ទឹកភ្នែកមិនចង់បាន!សំណាងល្អមនុស្សល្អក្នុងកែវភ្នែកខ្ញុំ ឌួង ឆាយ។

សំណេររបស់ពិធីករ សុខ រ៉ាស៊ី ខាងលើនេះបន្ទាប់ ពីលោក ឌួង ឆាយ បង្ហោះថា ខ្ញុំបាទនិងអ្នកម្តាយរួមជាមួយអាជ្ញាធរខណ្ឌបានជូនដំណឹងមុន១សប្តាហ៍ដើម្បីជួបកូនៗជាលើកទី២ហើយប៉ុន្តែអតីតរបស់ខ្ញុំមិនអោយជួប។ សូមពូមីងបងប្អូនទាំងអស់គ្នាពិចារណាតាមការគួរ។

លោក ឌួង ឆាយ បន្តថា ច្បាប់ធម្មជាតិក្តី ច្បាប់មនុស្សក្តីមិនអាចកាត់ផ្តាច់មនោសចេតនាឪពុកនិងកូនៗខ្ញុំបានទេ។ រយៈពេលជាងកន្លះឆ្នាំជួបកូនៗខ្ញុំបានតែ៣ដង។ អានិតកូនៗខ្ញុំណាស់ខ្វះភាពកក់ក្តៅជាពិសេសកូនប្រុសច្បងខ្ញុំនៅឈឺ និងកូនស្រីពៅនៅតូចណាស់៕

អត្ថបទ៖ ចាន់រ៉ា