ជីវិតកម្សាន្ដ

ហេង ស្រីពេជ្រ អំពាវនាវសុំឱ្យសមត្ថកិច្ចជួយវែកមុខឃាតក ក្រោយប្អូនប្រុសត្រូវក្មេងស្ទាវមួយក្រុមកាប់សម្លាប់

បានផុស

៣ years មុន

នៅ

ថ្ងៃអង្គារ ២៦ តុលា ២០២១

ដោយ

តារាសម្តែង ហេង ស្រីពេញ និងក្រុមគ្រួសារពេលនេះកំពុងមានទុក្ខខណ:ដែលប្អូនប្រុសរបស់នាងបានទទួលមរណភាពដោយសារហេតុការណ៍ដ៏រន្ធត់ត្រូវក្មេងស្ទាវមួយក្រុមដេញកាប់បណ្តាល់ឲ្យស្លាប់បាត់បង់ជីវិត។

តារាស្រី ហេង ស្រីពេជ្រ បានបញ្ជាក់នៅលើបណ្ដាញសង្គមហ្វេសប៊ុកថា ប្អូនប្រុសរបស់នាងបានទទួលមរណភាពកាលពីយប់ថ្ងៃទី២៣ ឈានចូលថ្ងៃទី២៤ ខែតុលា ឆ្នាំ២០២១ ដោយសារតែក្មេងស្ទាវមួយក្រុមតាមកាប់សម្លាប់ទើបនាងនិងគ្រួសារមិនអស់ចិត្តចេញមកអំពាវនាវដល់សមត្ថកិច្ចជួយរកយុត្តិធម៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេង ស្រីពេជ្រ បានបង្ហោះសារថា «អយុត្តិធម៌ណាស់ប្អូនប្រុសខ្ញុំត្រូវបានក្មេងស្ទាវមួយក្រុមដេញតាមកាប់សម្លាប់យ៉ាងព្រៃផ្សៃនៅយប់ថ្ងៃទី២៣ឈានចូលថ្ងៃទី២៤ ខែតុលា នៅវេលាម៉ោង១២និង១៩នាទីអាធ្រាត្រនៅទីរួមខេត្តកំពង់ស្ពឺ។ នាងថា សូមបងៗសមត្ថកិច្ចគ្រប់ស្ថាប័នទាំងអស់ជួយរកយុត្តិធម៌អោយក្រុមគ្រួសារនាងខ្ញុំផង »។

តារាសម្តែង ហេង ស្រីពេជ្រ ក៏បានសរសេររៀបរាប់យ៉ាងសោកសៅទៀតថា «ប្អូនទៅលឿនពេកហើយ ចែទទួលយកមិនបានទេ សូមអោយប្អូនទៅកាន់សុគតិភព កើតជាតិណាៗកុំអោយអាយុខ្លីដូចជាតិនេះទៀត»។

ជាមួយគ្នានេះ មហាជនក៏បានលើកឡើងថា ប្រទេសមានច្បាប់ គ្រួសារមានវិន័យ គេរំពឹងថា នឹងវែកមុខរកអោយឃើញក្រុមក្មេងស្ទាវមកបំភ្លឺរកការណ៍ពិតជូនញាតិមិត្តដើម្បីអោយមហាជនជឿជាក់៕

អត្ថបទ៖ ចាន់រ៉ា