ជីវិតកម្សាន្ដ

គឹម លីហ្សា ប្រកាសបរិច្ចាគថវិកាដែលបានមកពីការលក់ម្ជូរជូនដល់ មន្ទីរពេទ្យគន្ធបុប្ផា

បានផុស

៣ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

តារាសម្តែងអ្នកនាង គឹម លីហ្សា បានប្រកាសបរិច្ចាគថវិកាទាំងអស់ដែលបានមកពីការលក់ម្ជូរនៅថ្ងៃបើកហាងថ្មីជូនដល់មន្ទីរពេទ្យគន្ធបុប្ផា។ នេះបើតាមការបញ្ជាក់ឲ្យដឹងពីលោក អ៊ឹម ជីវ៉ា ។

តារាសម្តែងប្រុសលោក អ៊ឹម ជីវ៉ា បានលើកឡើងថា មិនសរសើមិនបានតារាសម្តែងអ្នកនាង គឹម លីហ្សា នឹងយកលុយដែលបានមកពីការលក់ម្ជូរទាំងអស់នៅថ្ងៃបើកហាងថ្មី ជូនដល់មន្ទីរពេទ្យគន្ធបុប្ផា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា បងប្អូនស្គាល់ហើយតារាសម្ដែង គឹម លីហ្សា បានបង្ហើបប្រាប់ពេលនេះថា នាងនឹងបើកហាងលក់ម្ជូរក្រឡុក គឹម លីហ្សា មួយទៀតនៅម្តុំមុខវត្តបទុមវតីដើម្បីបំពេញសេចក្តីត្រូវការអតិថិជនរបស់នាង ដែលបានគាំទ្រនាងកន្លងមក ខណៈដែលហាងម្ជូររបស់អ្នកនាងនៅម្តុំ ប៉េង ហួត បឹងស្នោរ មានអតិថិជនច្រើនរួចស្រាច់ហើយ ។

អ្នកនាង គឹម លីហ្សា បានសង្កត់ធ្ងន់ថា ដោយមានអតិថិជនគាំទ្រនេះហើយធ្វើអោយអាជីវកម្មអ្នកនាងមានភាពរីកចម្រើនដល់ថ្ងៃនេះ ទើបសម្រេចចិត្តថា នឹងចំណាយថវិកាបានមកពីការលក់ដូរក្នុងថ្ងៃសម្ភោធរយៈពេល២ថ្ងៃយកទៅផ្តល់ជូន ដល់មន្ទីរពេទ្យគន្ធបុប្ផានៅដើមខែវិច្ឆិកា ឆ្នាំ២០២១ខាងមុខនេះផងដែរ៕

អត្ថបទ៖ ចាន់រ៉ា