ជីវិតកម្សាន្ដ

ហ៊ុយ យ៉ាឡេង ប្រកាសត្រៀមធ្វើវីដេអូផ្សព្វផ្សាយពីវប្បធម៌និងតំបន់ទេសចរណ៍ទៅកាន់ពិភពលោក

បានផុស

៣ years មុន

នៅ

ថ្ងៃអង្គារ ២ វិច្ឆិកា ២០២១

ដោយ

ជាមួយគ្នានៃការថ្លែងអំណរអរគុណដល់រាជរដ្ឋាភិបាល និងក្រសួងវប្បធម៌និងវិចិត្រសិល្ប: ផលិតករភាពយន្តល្បីឈ្មោះលោក ហ៊ុយ យ៉ាងឡេង ក៏បានប្រកាសត្រៀមធ្វើវីដេអូផ្សព្វផ្សាយពីវប្បធម៌ និងតំបន់ទេសចរណ៍ទៅកាន់ពិភពលោក។

ការលើកឡើងរបស់លោក ហ៊ុយ យ៉ាងឡេង នេះធ្វើឡើងស្របពេលដែលវិស័យភាពយន្ត និងរោងកុនត្រូវប្រកាសបើកឲ្យដំណើរការឡើងវិញបន្ទាប់ពីត្រូវបានផ្អាក់មួយរយ:ធំដើម្បីចូលរួមទប់ស្កាត់បញ្ហាជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលិតកររឿង «ដើម្បីកូន» លោក ហ៊ុយ យ៉ាងឡេង បានរៀបរាប់ភ្ជាប់ដោយរូបភាពនៃស្នាមញញឹមថា ជយោរោងភាពយន្តបើកហើយ ជាដំបូងខ្ញុំសូមថ្លែងសេចក្តីរីករាយណាស់បងប្អូន។ ខ្ញុំរកអ្វីថ្លែងមិនរួចទេដង្ហើមធ្លាប់ដកតឹងៗ ឥឡូវបានធូរហើយ។

លោក ហ៊ុយ យ៉ាឡេង និយាយទៀតថា រោងភាពយន្តទាំងបីកំពុងជ្រងវិស័យភាពយន្ត។ អបអរសាទររោងភាពយន្តបើកឡើងវិញ អរគុណរាជរដ្ឋាភិបាល ពួកខ្ញុំផលិតករនឹងខំប្រឹងដើម្បីជ្រងវិស័យភាពយន្តអោយរីកចម្រើន។

លោកបានបន្តថា ខ្ញុំបាទនឹងត្រៀមធ្វើវីដេអូផ្សព្វផ្សាយពីវប្បធម៌ និងតំបន់ទេសចរណ៍យើងទៅកាន់ពិភពលោកដើម្បីអោយពួកគេមកលេងកម្ពុជាយើង។ តោះរួមគ្នាសាមគ្គីគ្នាកាន់ដៃគ្នាងើបឡើងដើរទៅមុខដើម្បីអភិវឌ្ឍន៍ជាតិយើងអោយបានថ្កុំថ្កើង ជយោកម្ពុជា។

បើយោងតាមសេចក្តីជូនដំណឹងរបស់ក្រសួងវប្បធម៌ និងវិចិត្រសិល្ប:កាលពីថ្ងៃទី២៨ ខែតុលា ឆ្នាំ២០ ២១កន្លងទៅបានឲ្យដឹងថា ចំពោះការបើកដំណើរការឡើងវិញនូវការចូលទស្សនាសារមន្ទីររោងភាពយន្តនិងរោងសម្តែងសិល្ប:ក្នុងរាជធានីភ្នំពេញចាប់ពីថ្ងៃទី៣០ ខែតុលា គឺត្រូវគោរពអនុវត្តតាមវិធានការគោលការណ៍ស្តង់ដាប្រតិបត្តិSOPនិងវិធានការនានារបស់ក្រសួងសុខាភិបាលដើម្បីទប់ស្កាត់ការចម្លងរីករាលដាលជំងឺកូវីដ-១៩៕

អត្ថបទ៖ ចាន់រ៉ា