ជីវិតកម្សាន្ដ

នាយ ចឺម សារភាពត្រង់ៗមុនស្គាល់អ្នកមេម៉ាយរូបស្រស់កូន១ ធ្លាប់បរាជ័យស្នេហាជាមួយសង្សារ៣នាក់ហើយ

បានផុស

៣ years មុន

នៅ

ថ្ងៃព្រហស្បតិ៍ ៤ វិច្ឆិកា ២០២១

ដោយ

ថ្មីៗនេះការចាប់អារម្មណ៍ក្រោយពេលតារាចម្រៀង នាយ ចឺម បានទម្លាយមុខមាត់ និងទំនាក់ ទំនងស្នេហាជាមួយនារីរូបស្រស់ម្នាក់ ដែលគេដឹងថា ជាមេម៉ាយកូនមួយ។ ប៉ុន្តែគេមិនទាន់ដឹងទេថា ស្នេហាពួកគេចាប់ផ្តើមតាំងពីពេលណាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ក៏មានការលើកឡើង និងសំនួរចង់ដឹងដែរថា តើមកទល់ពេលនេះ នាយ ចឺម ឆ្លងកាត់ស្នេហាប៉ុន្មានលើកហើយ មុនស្គាល់ប៉ះចំគូស្នេហ៍អ្នកមេម៉ាយកូន១រូបនេះ?។ ឆ្លើយតបនឹងសំនួរនេះនាយ ចឺម បានប្រាប់កម្ពុជាថ្មីថា ខ្លួនពិតជាជួបស្នេហ៍ទី៤ជាមួយអ្នកមេម៉ាយរូបស្រស់កូនមែន។

នាយ ចឺម បានប្រាប់ឲ្យដឹងតាមទូរស័ព្ទនាព្រឹកថ្ងៃទី០៤ ខែវិច្ឆិកា ឆ្នាំ២០២១នេះថា មុនពេលដែលជួបនារីគូស្នេហ៍ក្រោយនេះ ខ្ញុំធ្លាប់ឆ្លងកាត់ស្នេហាបរាជ័យ៣ដងរួចមកហើយ។ ប៉ុន្តែការបែកគ្នាជាមួយអ្នកមុនៗនេះ គឺយើងមិនបានមានបញ្ហាអ្វីនឹងគ្នាទេពោលមកពីការអស់ចិត្តរៀងៗខ្លួន។

តារាចម្រៀង ចឺម បានបញ្ជាក់ដែរថាសម្រាប់គូស្នេហ៍ក្រោយនេះ គឺស្គាល់គ្នាត្រឹមតែរយៈពេលជាង២ខែប៉ុណ្ណោះ ក៏ចាប់ផ្តើមកើតជាទំនាក់ទំនងស្នេហាតែម្តង។ នាយថាបច្ចុប្បន្នពួកគេកំពុងស្វែងយល់ចិត្តគ្នាបណ្តើរៗទម្រាំឆ្លងដល់អនាគត។ អ្នកមេម៉ាយកូនមួយ ដែលកំពុងមានទំនាក់ទំនងស្នេហាជាមួយនាយ ចឺម ត្រូវបានគេស្គាល់មានឈ្មោះ សេង សុខឃីម ត្រូវជាសង្សារទី០៤របស់នាយ ចឺម សព្វថ្ងៃ៕