ជីវិតកម្សាន្ដ

ក្រោយប្រកាសលក់ផ្ទះ៣ថ្ងៃលោកតា សង់ស៊ីស ទទួលបានថវិកាយ៉ាងច្រើនពីសប្បុរសជន

បានផុស

៣ years មុន

នៅ

ថ្ងៃសុក្រ ៥ វិច្ឆិកា ២០២១

ដោយ

ក្រោយពីធ្វើការអំពាវនាវដល់សប្បុរសជន ដោយសុំឲ្យជួយទិញផ្ទះដើម្បីយកលុយដោះបំណុលគេជាង១០ម៉ឺនដុល្លារនោះ ពេលនេះតារាចម្រៀងអ្នកនាង សុន ស្រីពេជ្រ ដែលជាកូនស្រីបង្កើតលោកតា សង់ស៊ីស បានបញ្ចេញនូវចំនួនទឹកប្រាក់ទទួលបានពីសប្បុរសជនជួយដល់ឪពុកខ្លួន(តាសង់ស៊ីស) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយ:ការបង្ហាញរបស់អ្នកនាង សុន ស្រីពេជ្រ នោះគឺចំនួនទឹកប្រាក់ដែលទទួលបានពីសប្បុរសជនទាំងក្នុងនិងក្រៅប្រទេសមានជិត៦ពាន់ដុល្លារ។ អ្នកនាង សុន ស្រីពេជ្រ បានឲ្យដឹងដូច្នេះថា រយ:ពេល៣ថ្ងៃដែលគិតចាប់តាំងពីថ្ងៃទី២ ខែវិច្ឆិកា ឆ្នាំ២០២១នេះ គឺលោកឪពុកនាងខ្ញុំទទួលបានថវិការតាមរយ:ABAរបស់នាងខ្ញុំផ្ទាល់ និងអេស៊ីលីដា ក៏ដូចជាតាមវីងផងដែរនោះ គឺសរុបជាទឹកប្រាប់ចំនួន ៥.៧៧៨ដុល្លារ។

តារាចម្រៀងអ្នកនាង សុន ស្រីពេជ្រ បានបន្តថា នេះជាក្តីស្រលាញ់របស់បងប្អូនប្រជាពលរដ្ឋខ្មែរទាំងក្នុងនិងក្រៅប្រទេសដែលលោកនៅគិតពីសុខទុក្ខលោកឪពុកនាងខ្ញុំជាសិល្បករផ្នែកកំប្លែងជើងចាស់ ឥឡូវលោកមានវ័យចាស់ជរា និងមានជំងឺប្រចាំកាយផងដែរ។

អ្នកនាង សុន ស្រីពេជ្រ និយាយទៀតថា ដោយមានបងប្អូនខ្មែរនៅស្រលាញ់គោរព និងចង់ដឹងពីសុខទុក្ខរបស់គាត់និងបាត់មុខរយ:ពេលច្រើនឆ្នាំ ដូច្នេះពុកម៉ែបងប្អូនក៏សុំអាខោនធនាគាររបស់នាងខ្ញុំដើម្បីជូនថវិកាតិចច្រើនក្តីដែលនេះជាសទ្ធារបស់អស់លោកចំពោះលោកឪពុកនាងខ្ញុំ ។ នាងខ្ញុំអរគុណនូវទឹកចិត្តដ៏ថ្លាថ្លៃរបស់ពុកម៉ែបងប្អូនទាំងក្នុងនិងក្រៅប្រទេស សូមជួបតែសេចក្តីសុខ សុខភាពល្អ ឈ្នះអស់រោគាទាំងឡាយ និងជោគជ័យគ្រប់ភារៈកិច្ច៕

អត្ថបទ៖ ចាន់រ៉ា