ជីវិតកម្សាន្ដ
នៅចាំគាត់ទេ ! ក្រោយបាត់ដំណឹងមួយរយៈ តើផលិតករល្បីឈ្មោះ លោក ចេវ វីរៈ បច្ចុប្បន្នកំពុងធ្វើអ្វី?
ទស្សនិកជនមួយចំនួនអាចនៅចាំអតីតពិធីករល្បីឈ្មោះក្នុងកម្មវិធី ពិភពតន្ត្រី របស់ទូរទស្សន៍ប៉ុស្តិ៍លេខ ៣ និងជាផលិតករភាពយន្ត លោក ចេវ វីរៈ ខណៈកន្លងមក លោកបានសាងស្នាដៃ និងកេរ្តិ៍ឈ្មោះច្រើនក្នុងវិស័យសិល្បៈខ្មែរ។
លោក ចេវ វីរៈ ត្រូវបានគេដឹងថា លោកជាសិល្បករល្បីឈ្មោះមួយរូប ចាប់តាំងពីទសវត្សរ៍ ៩០។ លោកបានចូលប្រឡូកក្នុងវិស័យសិល្បៈ នាឆ្នាំ ១៩៩៥ ដល់ ១៩៩៨ ដោយធ្វើការងារនៅវិទ្យុFM.១០៣MH Z និងទូរទស្សន៍ប៉ុស្តិ៍លេខ ៣ ក្នុងកម្មវិធី ពិភពតន្ត្រី និងកម្មវិធីសិល្បៈមួយចំនួនទៀតដូចជា អប់រំសុខភាព សិល្បៈវប្បធម៌ និងល្ខោននិយាយជាដើម។
នៅឆ្នាំ ១៩៩៩ លោក ចេវ វីរៈ ក្តាប់បានឱកាសការងារនៅស្ថានីយទូរទស្សន៍អប្សរាប៉ុស្តិ៍លេខ ១១ ធ្វើ ជាពិធីករ និងជាផលិតករផលិតកម្មវិធីពិភពសិល្បៈ( បុរស-នារីឯក) និងខ្សែភាពយន្តភាគដូចជា, រឿង ព្រោះតែស្រលាញ់ ,ខ្សែជីវិត ,រលកក្រោមខ្សាច់ ,ត្រើយស្នេហ៍ត្រើយជីវិត។ នៅឆ្នាំ ២០០៧ ដល់២០១៣ លោកក៏សហការផលិតកម្មវិធី កញ្ញាឯក BRIDGE STONE និង SUPER LIVECONCERTនៅទូរទស្សន៍ប៉ុស្តិ៍លេខ ៩។
យ៉ាងណាមិញបន្ទាប់ពី លោក ចេវ វីរៈ បានបង្ហាញស្នាដៃជាច្រើនក្នុងវិស័យសិល្បៈខ្មែរ ក៏ស្រាប់តែអំឡុងមួយរយៈចុងក្រោយនេះ លោកហាក់ឃ្លាតឆ្ងាយពីកម្មវិធីសិល្បៈ ទើបមានសំនួរខ្លះចង់ដឹងថាតើលោក ចេវ វីរៈ បោះបង់សិល្បៈចោល ឬយ៉ាងណា? បច្ចុប្បន្នលោកកំពុងប្រកបការងារអ្វី?។
ដោយសារមានចម្ងល់ពីមហាជនមួយចំនួន ទើប កម្ពុជាថ្មី កាលពីថ្ងៃទី ១៧ ខែវិច្ឆិកា ឆ្នាំ ២០២១ បានស្វែងរកការទំនាក់ទំនងដើម្បីសួរនាំផលិតករ លោក ចេវ វីរៈ អំពីរឿងរ៉ាវនេះ។
ជាក់ស្ដែងជួប កម្ពុជាថ្មី តាមទូរស័ព្ទ លោក ចេវ វីរៈ បានឆ្លើយតបទាំងរីករាយថា សព្វថ្ងៃលោកកំពុងរស់នៅឯខេត្តកំពង់ធំជាមួយភរិយា។
លោក ចេវ វីរៈ បានថ្លែងបន្តថា បច្ចុប្បន្នលោកមករស់នៅខេត្តកំពង់ធំមួយរយៈហើយ ពោលគឺប្រមាណ ១ ឆ្នាំ ដែលជំងឺកូវីដ-១៩ ផ្ទុះជាថ្មី ខណៈការងារមួយចំនួនត្រូវផ្អាក ដូច្នេះមានតែមកនៅដីចម្ការ ដើម្បីមើលថែដំណាំទីនោះ។ លោកថា ការងារសិល្បៈ មិនបានឈប់ទេ ទោះបីឃ្លាតឆ្ងាយបន្តិចមែន ដោយកន្លងមកលោកនៅតែដើរលើវិថីនេះ។
លោកសង្កត់ធ្ងន់ថា ចាប់តាំងពីឆ្នាំ ២០១៥ រហូតដល់បច្ចុប្បន្ន លោកនៅតែបន្តធ្វើ Concert និងរៀប Even (កម្មវិធី) ផ្សេៗ ដូចជា ការប្រគំតន្ត្រី ផ្សព្វផ្សាយផលិតផល ឬក្រុមហ៊ុននៅតាមបណ្ដាខេត្តនានាក្នុងប្រទេស។
ចំណែកការផលិតកុន លោក ចេវ វីរៈ បញ្ជាក់ថា លោកនៅតែស្រលាញ់ ហើយបើមានឱកាសគ្រប់គ្រាន់ លោកនៅតែចូលរួមជាមួយវិស័យមួយនេះជាថ្មីទៀត។
បន្ថែមពីនេះ លោក ចេវ វីរៈ បានលើកឡើងថា លោកក៏មិនភ្លេចអរគុណដល់គ្រប់បណ្ដាក្រុមហ៊ុន និងដៃគូសហការទាំងអស់ ដែលបានគាំទ្រ ជាពិសេសទស្សនិកជនទាំងក្នុង និងក្រៅប្រទេស ដែលតែងគាំទ្ររាល់ស្នាដៃ និងសកម្មភាពរបស់លោកផងដែរ៕
អត្ថបទ ៖ ចាន់រ៉ា
លោក Rodrigo Duterte ប្រឈមនឹងការសាកសួរផ្ទាល់លើកដំបូងនៅតុលាការ ICC
ម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
ខេត្តព្រះសីហនុ ចូលរួមពិធីចុះអនុស្សរណៈរវាងក្រុមហ៊ុនអ្នកឧកញ៉ា ទៀ វិចិត្រនិងសមាគមទេសចរណ៍ ដើម្បីសហការគ្នាពង្រីកវិសយ័ទេសចរណ៍
យុទ្ធសាស្រ្តផ្ការីក ដើម្បីបះបោរផ្ដួលរាជរដ្ឋាភិបាល សម្តេច ហ៊ុន សែន ផ្ដាំថា «កុំសង្ឃឹម»
សម្ដេច ហ៊ុន សែន ប្រតិកម្មចំពោះការប្រៀបធៀបសម្ដេចនឹងមេដឹកនាំដែលគេចាប់ខ្លួន
សម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
អាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
ម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
ដ្រូនអ៊ុយក្រែន វាយប្រហារខ្នាតធំលើក្រុងមូស្គូ ជាលើកទី២ ក្នុងពេលត្រឹម៣ថ្ងៃ
ពូទីន ទាមទារឲ្យមានការធានា ៣យ៉ាងដាច់ខាត ក្នុងអំឡុងពេលបទឈប់បាញ់
-
ព័ត៌មានអន្ដរជាតិ៣ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម៧ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ព័ត៌មានជាតិ១០ ម៉ោង agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម២ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
ព័ត៌មានជាតិ២០ ម៉ោង agoអាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
-
សន្តិសុខសង្គម៧ ម៉ោង agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៤ ថ្ងៃ agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម១ សប្តាហ៍ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ