កំពូលសម្រស់របស់តារាម៉ូឌែល Hailey Baldwin បានមកពី….

Hailey Rhode Baldwin ជាតារាម៉ូឌែល និងបុគ្គលិកទូរទស្សន៍របស់អាមេរិកដ៏ល្បីល្បាញមួយរូប។ នាងជាតារាស្រីមានរូបរាង និងមុខមាត់ស្រស់ស្អាតខ្លាំង រហូតមានមនុស្សជាច្រើនជឿថា ម៉ូឌែលរូបនេះបានវះកាត់កែសម្ផស្សទៀតផង។ យ៉ាងណាមិញ Hailey បានបដិសេធចំពោះពាក្យចចាមរ៉ាម ហើយថា ខ្លួនមានរូបសម្រស់សោភាមកពីកំណើត។

នាងលើកឡើងយ៉ាងដូច្នេះ “គ្រប់គ្នាគិតថា ខ្ញុំបានទទួលការវះកាត់កែសម្ផស្ស។ គ្រួសារខាងម្ដាយខ្ញុំទូរសព្ទមកម៉ាក់ ហើយសួរថា តើខ្ញុំកែបបូរមាត់មែនទេ? តើខ្ញុំបានធ្វើច្រមុះឬអត់? គ្រប់គ្នាចង់ឲ្យខ្ញុំទៅជួបគ្រូពេទ្យដើម្បីពិនិត្យមើលមុខ ប៉ុន្តែចង់ប្រាប់ថា មុខមាត់ពេញវ័យគឺបែបនេះ ហើយខ្ញុំបានធំធាត់ក្នុងទម្រង់សម្រស់របស់ខ្ញុំ។”

បន្ថែមពីលើនោះ ភរិយាតារាចម្រៀង Justin Bieber រូបនេះបានចែករំលែកអាថ៌កំបាំងថែសម្រស់ចំនួន ៣ ដែលនារីៗអាចរៀនសូត្របាន៖

១. បើមិនញ៉ាំសាឡាដទេ ត្រូវផឹកទឹកបៃតងជំនួស៖ ស្បែកស្រស់ថ្លាកើតចេញពីខាងក្នុងមក ហើយអ្វីដែលយើងដាក់ក្នុងខ្លួនពិតជាអាចប៉ះពាល់ដល់រូបរាងកាយទាំងមូល។ ដូច្នេះ បើមិនអាចព្យាយាមញ៉ាំបន្លែឲ្យបានច្រើនទេ ស្រីៗកុំភ្លេចផឹកទឹកឲ្យបានគ្រប់គ្រាន់។

២. សក់ស្ដើងដែលស្អាត ត្រូវការសំណើមច្រើន៖ Hailey ជាមនុស្សស្រីម្នាក់ដែលមានសក់មិនសូវក្រាស់ទេ តែនាងមានភាពជឿជាក់ជានិច្ច។ នេះជាគន្លឹះរបស់ម៉ូឌែលរូបនេះ គឺមុនពេលចូលគេង ត្រូវលាបសក់ជាមួយប្រេងដូងដើម្បីបន្ទន់វាឲ្យទន់រលោង។ ប្រេងដូងមានប្រសិទ្ធភាពបំផុតសម្រាប់សក់គ្រប់ប្រភេទ ហើយរឹតតែល្អបើគ្នាយើងមានសក់ស្តើង។

៣. ផ្តល់សំណើមដល់ស្បែក៖ មនុស្សជាច្រើនគិតថា លាបឡេផ្ដល់សំណើមអាចធ្វើឱ្យខូចស្បែក ប៉ុន្តែទម្លាប់ថែរក្សាស្បែកជាមួយឡេផ្ដល់សំណើមជារឿងល្អទៅវិញទេ។ ស្បែកមានសំណើមនាំឲ្យមានភាពជឿជាក់រាល់ពេលស្លៀកពាក់គ្រប់កាលៈទេសៈ៕

ប្រែសម្រួល៖ សន្យា

ប្រភព៖ Wealthy Gorilla

ចុចអាន៖ លេចមុខក្នុងវិស័យម៉ូដប៉ុន្មានឆ្នាំ ប្រពន្ធ Justin Bieber រកបានខ្ទង់លានដុល្លារ

ចុចអាន៖ ហេតុអ្វី Billie Eilish ក្លាយជាតារាស្រីមានប្រជាប្រិយភាពក្មេងបំផុត?