ជីវិតកម្សាន្ដ

ដោយក្ដីស្រលាញ់ នាយ ចឺម នាំសង្សារបណ្ដូលចិត្តទៅតាមគ្រប់ឆាក

បានផុស

៣ years មុន

នៅ

ថ្ងៃអង្គារ ២៣ វិច្ឆិកា ២០២១

ដោយ

កន្លងមកមានការចាប់អារម្មណ៍ ក្រោយពេលតារាចម្រៀងនាយ ចឺម បានទម្លាយមុខមាត់និងទំនាក់ទំនងស្នេហាជាមួយនារីរូបស្រស់ម្នាក់ ដែលគេដឹងថា ជាមេម៉ាយកូនមួយបន្ទាប់ពីបានស្គាល់គ្នាត្រឹមរយៈជាង២ខែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេសង្កេតឃើញថានាយ ចឺម ក្រោយផ្សារភ្ជាប់ស្នេហ៍ជាអ្នកមេម៉ាយសាច់សខ្ចីល្វក់កូន១ សេង សុខគីម មកគឺនាយតែងបានយកចិត្តទុកដាក់លើសពីសង្សាររបស់នាយមុនៗទាំងអស់ ដូចជាការយករូបភាពរបស់កំពូលស្នេហ៍ដាក់នៅផេក ហើយពេលទៅដើរលេងនៅទីណាឆ្ងាយនាយមានអារម្មណ៍ថា ស្ដាយបើសិនជាគូស្នេហ៍បណ្ដូលចិត្ត សុខគីម មិនបានទៅចូលរួមជាមួយ។

ដោយឡែកថ្មីៗនេះ អ្វីដែលធ្វើឲ្យអ្នកគាំទ្រកាន់តែច ប់អារម្មណ៍ថែមទៀតនោះ គឺតារាចម្រៀងនាយ ចឺម ក៏ត្រូវសង្សារទៅតាមដល់ឆាកទៀតផង។ ប៉ុន្តែហេតុផលនេះ ពុំមែនកើតចេញពីបញ្ហាអ្វីទេ ពោលដោយសារតែការស្រលាញ់ទើបនាយ ចឺម សម្រេចយកសង្សារបណ្តូលចិត្ត សេង សុខគីម ទៅកៀកកើយគ្នានៅតាមកម្មវិធីឆាកតន្ដ្រីតែម្ដង ហើយនាយថែមទាំងហៅគូស្នេហ៍ថ្មីថា”មេស្រីៗ”ទៀតផង។

តារាចម្រៀង ចឺម ធ្លាប់បានបញ្ជាក់ប្រាប់កម្ពុជាថ្មីថា សម្រាប់គូស្នេហ៍ក្រោយនេះ គឺស្គាល់គ្នាត្រឹមតែរយៈពេលជាង២ខែប៉ុណ្ណោះ ក៏ចាប់ផ្តើមកើតជាទំនាក់ទំនងស្នេហាតែម្តង។ នាយថាបច្ចុប្បន្នពួកគេកំពុងស្វែងយល់ចិត្តគ្នាបណ្តើរៗទម្រាំឆ្លងដល់អនាគត់៕

អត្ថបទ៖ ចាន់រ៉ា