អ្នកគាំទ្រព្រួយបារម្ភ ពេលឃើញតារាចម្រៀង សន វិជ្ជបុត្រ ចូលសង្គ្រោះនៅមន្ទីពេទ្យ

តារាចម្រៀងប្រុសធ្លាប់លេចធ្លោលើការងារមនុស្សធម៌ជួយសង្គមលោក សន វិជ្ជបុត្រ មុននេះបន្តិចគេឃើញលោកត្រូវបានចូលសង្គ្រោះនៅមន្ទីពេទ្យបង្កការភ្ញាក់ផ្អើល និងព្រួយបារម្ភពីសំណាក់អ្នកគាំទ្រ។

នៅលើគណនីហ្វេសប៊ុករបស់តារាប្រុសលោក សន វិជ្ជបុត្រ នៅព្រឹកថ្ងៃទី០៤ ខែធ្នូ ឆ្នាំ២០២១នេះ បានបញ្ចេញនូវរូបភាពជាច្រើនសន្លឹកស្ថិតក្នុងបន្ទប់ព្យាបាលនៃមន្ទីពេទ្យមួយកន្លែង។ ប៉ុន្តែលោកមិនបានបញ្ជាក់ទេថា លោកធ្លាក់ខ្លួនឈឺដោយសារជំងឺអ្វីឡើយ។

ទន្ទឹមគ្នានោះតារាចម្រៀងរូបនេះ ក៏បានបង្ហោះរូបភាពភ្ជាប់នូវសារខ្លីនៅលើបណ្ដាញសង្គម Facebook ផ្ទាល់ខ្លួនថាសំបកកាយពេលមកខ្លួនទទេ ពេលដែលទៅវិញក៏ខ្លួនទទេដែរ អ្វីដែលបន្សល់ទុកខាងក្រោយបានគឺអំពើល្អផ្សេងៗដែលបានទុក។

លោកបន្តថា ជីវិតមនុស្សមិនវែងដល់មួយពាន់ឆ្នាំច្រើនឆ្នាំនោះទេ ឯណាទៅ ជួបមនុស្សមួយគ្រាតែប៉ុណ្ណោះទេ បន្តិចនឹងស្លាប់ចោលគ្នា ពេលដែលយើងបានស្លាប់ចោលគ្នាហើយមិនដឹងថាយើងបានអ្វីគ្នា ឱ្យបានជួបគ្នាទៀតគ្នាទេក្នុងរយៈពេលដ៏សែនតិចនេះ យើងគួតែសាងអំពើល្អ។

តាមរយ:នេះដែរគេក៏ឃើញអ្នក​គាំទ្រនឹងមិត្តសិល្បៈ បានបង្ហាញក្ដីបារម្ភ និងបានជូនពរលោកឲ្យឆាប់ជាសះសះស្បើយពីជំងឺផងដែរ។ កម្ពុជាថ្មី នៅព្រឹកថ្ងៃទី ០៤ ខែធ្នូ ឆ្នាំ២០២១នេះ មិនអាចទាក់ទងដើម្បីសួរនាំពីសុខភាពរបស់លោកបន្ថែមបាននៅឡើយទេ៕

អត្ថបទ៖ ចាន់រ៉ា

ចុចអាន៖ លោក ហេង ប៊ុនលាភ ធ្លាក់ខ្លួនឈឺ ​តម្រូវឱ្យព្យាបាលប្រញាប់​ នៅប្រទេសថៃ

ចុចអាន៖ ស្អាត​ប្លែក​! ណាក់ ស្រី​ណា គ្រង​ឈុត​ទម្រង់​សំពត់​អប្សរា​មាន​ឌិន​រំលេច​ក្បាច់រចនា​យ៉ាង​ប្រណិត​