Shawn ទម្លាក់បទថ្មី សង្ស័យផ្ញើទៅ Camila ជាពិសេស

បន្ទាប់ពីបែកបាក់ជាមួយមិត្តស្រី Camila Cabello បានត្រឹម ២សប្ដាហ៍ តារាចម្រៀង Shawn Mendes បានទម្លាក់បទថ្មីមួយ ដែលមានចំណងជើងថា «It’s Will Be Ok» ( វានឹងមិនអីទេ ) ខណៈអ្នកគាំទ្រសុទ្ធតែយល់ថាបទនេះ ធ្វើឡើងដើម្បីផ្ញើទៅកាន់អតីតគូស្នេហ៍ ជាពិសេស ។

ក្រោយ​​ទាក់ទង​គ្នា​អស់ពេល​ជាង​ពីរ​ឆ្នាំតារាចម្រៀងប្រុស Shawn និង Camila បាន​ប្រកាសបញ្ឈប់ទំនាក់ទំនងគូសង្សារជាផ្លូវការ កាលពីថ្ងៃពុធ ទី១៨ ខែវិច្ឆិកា ឆ្នាំ២០២១។

ហេតុផលពីក្រោយការចែកផ្លូវនេះដែរ ត្រូវបានខាងស្រីទម្លាយថា មកពីនាងមានជំងឺថប់បារម្ភ ស្របពេលដែល សាមីខ្លួនខាងប្រុសមិនបានចេញមុខមកនិយាយអ្វីច្រើនឡើយ។

យ៉ាងណាមិញ ថ្មីៗនេះ Shawn Mendes បានចេញបទថ្មីដែលមានចំណងជើងថា «It’s Will Be Ok» ដែលមានន័យថា “ប្រសិនជាអ្នកប្រាប់ខ្ញុំថាអ្នកចាកចេញ ខ្ញុំនឹងសម្របតាម វានឹងមិនអីទេ ប្រសិនពួកយើងមិនអាចបញ្ចប់ការឈឺចាប់ទេ យើងមិនចាំបាច់ដោះស្រាយទេ យើងមិនចាំបាច់នៅ ជាមួយគ្នានោះទេ ខ្ញុំនឹងនៅ តែស្រលាញ់អ្នកដដែល! វានឹងមិនអីទេ!”

ក្រោយពីបានស្ដាប់បទនេះចប់ ហ្វេនៗរបស់ Shawn លើកឡើងព្រមៗគ្នាថា បទ «It’s Will Be Ok» ប្រាកដជាផ្ញើទៅកាន់ Camila ច្បាស់ណាស់ ហើយពួកគេក៏សង្ឃឹមថា អ្នកទាំងពីរអាចត្រូវរ៉ូវគ្នាវិញ បន្ទាប់ពីឃើញម្ខាងៗកំពុងក្រៀមក្រំខ្លាំង៕

សូមស្ដាប់បទចម្រៀងនៅខាងក្រោម

ប្រែសម្រួល៖ សន្យា

ចុចអាន៖ នេះជាមូលហេតុពិតប្រាកដ ពីក្រោយការបែកគ្នារវាង Shawn ​និង Camila

ចុចអាន៖ ឈុតតំណាងជាតិ បវរកញ្ញាចក្រវាល ថៃ មានអត្ថន័យបែបនេះ