ជីវិតកម្សាន្ដ

ជុំ លីណូ ៖ អ្នកជោគជ័យពិតប្រាកដគេគ្មានពេលមកបង្រៀនយើងទេ

បានផុស

៣ years មុន

នៅ

ថ្ងៃពុធ ៨ ធ្នូ ២០២១

ដោយ

ភ្នំពេញ ៖ តារាចម្រៀងប្រុសចូលចិត្តស្តាយ៍បែបយុវវ័យលោក ជុំ លីណូ គេកត់សម្គាល់ថា សម្រាប់អាជីពសិល្បៈរបស់លោកបច្ចុប្បន្ននៅតែរក្សាបានការគាំទ្រ និង មានប្រជាប្រិយភាពដូចដើមខណៈដែលពេលនេះ លោកក៏ជ្រែកខ្លួនចាប់មុខជំនួញជាច្រើនទៀតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នាដែលអាជីពសិល្បៈនិងមុខជំនួញកាន់ក្នុងដៃកំពុងទទួលបានការគាំទ្រច្រើនពីមហាជននោះដែរថ្មីៗនេះលោក ជុំ លីណូ បានទម្លាយប្រយោគក្នុងចិត្តដោយធៀបចំពោះរឿងបុគ្គលដែលទទួលបានភាពជោគជ័យនិងអ្នកដែលតាំងខ្លួនជាបុគ្គលជោគជ័យដើម្បីតែផលប្រយោជន៍ផ្ទាល់ខ្លួន។

លោក ជុំ លីណូ បានថ្លែងប្រាប់ឲ្យដឹងដូច្នេះថា អ្នកជោគជ័យពិតប្រាកដគេគ្មានពេលមកបង្រៀនយើងទេ ព្រោះគាត់រវល់មុខជំនួញគាត់ច្រើនណាស់។ បងប្អូនត្រូវចាំមានតែការចាប់ផ្តើមអាជីវកម្ម ពីតូចទៅធំ ហើយព្យាយាមធ្វើវាឲ្យបានល្អ ហើយធ្វើដដែលៗដែលខ្លួនឯងស្រលាញ់និងត្រូវជំនាញរបស់ខ្លួន។

តារាចម្រៀងលោក ជុំ លីណូបាននិយាយដោយខ្លីទៀតថា កាលណាពេលវេលានិងអាយុកាលរបស់យើងមកដល់យើងនិងជោគជ័យដោយមិនដឹងខ្លួន។ ខ្ញុំគុំយូរហើយរឿងអ្នកបង្រៀនជោគជ័យហ្នឹង។ជាការពិតការលើកឡើងរបស់លោក ជុំ លីណូ នេះកំពុងទទួលបានការគាំទ្រច្រើនពីទស្សនិកជនគ្រប់គ្នា៕

ដោយ ៖ ចាន់រ៉ា