ជីវិតកម្សាន្ដ

ស្រស់ស្អាតណាស់! បវរកញ្ញាកម្ពុជា ភុំ សោភ័ណ្ឌ គ្រងសំលៀកបំពាក់បែបនេះក្នុងវគ្គមួយនៅឆាកMiss World

បានផុស

៣ years មុន

នៅ

ថ្ងៃពុធ ៨ ធ្នូ ២០២១

ដោយ

ភ្នំពេញ ៖ បវរកញ្ញាតំណាងឲ្យកម្ពុជាកញ្ញា ភុំ សោភ័ណ្ឌ គិតមកដល់ពេលនេះមានរយៈប្រមាណជិតមួយសប្តាហ៍ ដែលនាងបានធ្វើដំណើរចាកចេញពីប្រទេសកម្ពុជាចេញទៅចូលរួមប្រកួតក្នុងកម្មវិធី Miss Word 2021 លើកទី៧០នៅទីក្រុងSan Juan ប្រទេសព័រតូរីកូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរឆ្លងទ្វីបរបស់កញ្ញា ភុំ សោភ័ណ្ឌ ដែលជាម្ចាស់ម្កុដMiss World Cambodiaដើម្បីទៅចូលរួមការប្រកួតនៅលើឆាកអន្តរជាតិកាលពីថ្មីៗកន្លង ទៅក៏ទទួលបានការគាំទ្រនិងលើកទឹកចិត្តពីមហា ជនជាច្រើនផងដែរ ខណៈដែលនាងគឺជាបេក្ខភាព បវរកញ្ញាពិភពលោករបស់កម្ពុជាដែលមានរូបសម្រស់ដ៏ស្រស់ស្អាតនិងទារទាញទៀតផង។

ដោយឡែករឿងដែលគេចាប់អារម្មណ៍ទៀតនោះ គឺនៅទំព័រហ្វេសប៊ុកផេកផ្លូវការរបស់Miss World Cambodiaបានឱ្យដឹងថា នៅរាត្រីថ្ងៃទី០៦ ខែធ្នូ ឆ្នាំ២០២១ ដែលត្រូវនឹងព្រឹកថ្ងៃទី០៧ ខែធ្នូ ឆ្នាំ២០២១ នៅកម្ពុជាកញ្ញា ភុំ សោភ័ណ្ឌ បានចូលរួមប្រ កួតវគ្គTop Model and Designer Contests ក្នុងកម្មវិធីប្រកួតMiss World 2021ដោយមានបណ្ដាប្រទេសនានាជាច្រើនទៀតចូលរួម។

ប្រភពបានបន្តថា សូមប្រិយមិត្តនឹងហ្វេនៗចូលរួមផ្តល់កម្លាំងចិត្តនិងគាំទ្រកញ្ញាឱ្យទទួលបានជោគ ជ័យក្នុងកម្មវិធីMiss World 2021។ ឈុតដែលកញ្ញា ភុំ សោភ័ណ្ឌ បានគ្រងនោះគឺជាឈុតរាត្រី សមោសរយ៉ាងស្រស់ស្អាតបង្ហាញពីភាពទន់ភ្លន់ ដែលបានច្នៃឡើងយ៉ាងសម្រិតសម្រាំងផងដែរ។

គួររម្លឹកថា កញ្ញា ភុំ សោភ័ណ្ឌ បវរកញ្ញាតំណាងឲ្យកម្ពុជាកាលពីថ្ងៃទី០២ ខែធ្នូ ឆ្នាំ២០២១ កន្លងទៅបានចាកចេញពីប្រទេសកំណើតទៅប្រទេសព័រតូរីកូ ដើម្បីចូលរួមប្រកួតក្នុងកម្មវិធីMiss Word 20 21 លើកទី ៧០ដែលនឹងប្រព្រឹត្តទៅនាថ្ងៃទី១៦ ខែធ្នូ ឆ្នាំ២០២១ខាងមុខនេះ៕

ដោយ ៖ ចាន់រ៉ា