ជីវិតកម្សាន្ដ

តារាស្រី៣រូប បង្ហាញជំនឿចិត្ត ខណៈទ្រនំរបស់ពួកគេត្រៀមបំបែកទីផ្សារជាមួយតារាថៃ

បានផុស

៤ years មុន

នៅ

ថ្ងៃចន្ទ ៧ ធ្នូ ២០២០

ដោយ

តារាស្រីវ័យក្មេងចំនួន៣រូប គឺកញ្ញា រ៉ាប៊ី ស៊ូស៊ីរីកា និងកញ្ញា សុវត្ថិ ឌីធារិកា បានបង្ហាញពីជំនឿចិត្តខ្លាំងដូចគ្នា ខណៈដែលទ្រនំរបស់ខ្លួន បានត្រៀមបំបែកទីផ្សារឲ្យពួកគេកាន់តែហក់ឡើង។

តារាស្រីទាំង៣ព្រមទាំងសមាជិកប្រមាណជិត៣០រូបទៀត នឹងចាប់ដៃគូយ៉ាងកៀកកិតជាមួយតារាថៃ ដើម្បីឲ្យកាន់តែមានភាពទាក់ទាញនិងប្រជែងទីផ្សារចម្រៀងលើផ្នែកសិល្បៈ។ ចំពោះការបង្ហាញជំនឿចិត្តនេះ បានធ្វើឡើងនាជំនួបជាមួយជាមួយតារាស្រីទាំង៣ ដែលបានបង្ហាញវត្តមាននៅក្នុងស្ថានីយទូរទស្សន៍ និង សន្និសីទសារព័ត៌មាននៅផលិតកម្មថោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងស្រីទាំង៣រូបនេះ នឹងចូលរួមសម្តែងសិល្បៈចម្រៀងជាមួយតារាថៃ ដែលជាតារាចម្រៀងទាក់ទាញចិត្តយុវវ័យដូចគ្នា។ លើសពីនេះដែរ តារាទាំងនោះ ក៏នឹងបង្ហាញសមត្ថភាពច្រៀងឲ្យផលិតកម្មល្បីល្បាញមួយក្នុងប្រទេសថៃ ផងដែរ។ បើតាមការឲ្យដឹងពីកញ្ញា ស៊ូ ស៊ីរីកា ថ្លែងឲ្យដឹងថា ខ្លួនពិតជាសប្បាយចិត្តខ្លាំង ដែលបានសហការនឹងតារាថៃជាមួយស្ទីលថ្មីៗដែលភាគីទាំង២មានតិចនិកល្អសម្រាប់អ្នកទស្សនា។ នេះជាបទពិសោធន៍ថ្មី ដែលនាងទទួលបានសម្រាប់យកមកអភិវឌ្ឍន៍ខ្លួនជាពិសេសនាង ក៏មានបទចម្រៀងមួយបទដែលឈ្មោះថា «ជំនូន» សម្រាប់ជូនអ្នកគាំទ្រ ហើយជាស្ទីលថ្មីដែលនាងមិនដែលមានពីមុនមកនោះទេ។ ចំណែកឯកតារាចម្រៀងម្ចាស់បទ «មាន់ស្រែ» កញ្ញា រ៉ាប៊ី ក៏បានរៀបរាប់ដែរថា នាងរីករាយដែលបានខាងផលិតកម្មមានចំណុចអភិវឌ្ឍន៍ទៅមុខឲ្យទាន់ប្រទេសគេ។ ម្យ៉ាងទៀតនាងបានត្រៀមរួចរាល់ហើយ ជាមួយក្រុមចម្រៀងតារាថៃមិនថា ចម្រៀងថ្មី ឬក្បាច់រាំ គឺនាងមានចំណុចប្លែកៗបង្ហាញដល់អ្នកគាំទ្រហើយ ក្រោយពេលរួមការងារជាមួយខាងភាគីថៃ នាងកាន់តែយល់ដឹងពីគន្លឹះថ្មីៗជាបន្តទៀត ដែលនាងអាចចេះពីរបៀបធ្វើការថ្មីៗ។

ដោយឡែកសម្រាប់តារាប្រចាំផលិតកម្មថោនជាច្រើនដួងទៀត គឺមិនត្រឹមតែធ្វើការថតច្រៀងសម្តែងជាមួយតារាថៃតែមួយមុខនោះទេ ពួកគេទាំង២ប្រទេសអាចមានការថតភាពយន្តរួមគ្នា ដើម្បីឆក់យកការទាក់ទាញផ្លាស់ប្តូរបទពិសោធន៍ស្របតាមទិសដៅ គឺចង់ចាប់យកតារានៅអាស៊ានបន្តទៀត ដើម្បីឲ្យផុសផុល ដូចជាតារាចម្រៀងហុងកុង កូរ៉េ ជាដើម។

សូមជម្រាបថា កាលពីថ្មីៗនេះ គឺមានកម្មវិធីចុះអនុស្សរណៈរវាងផលិតកម្មទីក្រុងភាពយន្ត ថោន និងផលិតកម្មដ៏ល្បីរបស់ GMM Grammy ក្នុងការរួមដៃគ្នាបំបែកទីផ្សារចម្រៀងនិងភាពយន្ត ផងដែរ៕

អត្ថបទ៖ ចាន់រ៉ា

សូមចុចអាន៖ មាស សុខសោភា ថ្លែងសារឆ្លើយតបទាំងចិត្តត្រជាក់ ក្រោយរងការរិះគន់ពីសំណាក់ស្ត្រីម្នាក់

Related Topics:តារាចម្រៀងខ្មែរ