ជីវិតកម្សាន្ដ

ស្ងប់ស្ងាត់មួយរយៈ ករុណា ពេជ្រ ត្រៀមចេញបទលើកស្ទួយវិស័យទេសចរណ៍នៅកម្ពុជា

បានផុស

៣ years មុន

នៅ

ថ្ងៃចន្ទ ១៣ ធ្នូ ២០២១

ដោយ

អ្នកគាំទ្របានដឹងហើយថា តារាចម្រៀងប្រុសលោក ករុណា ពេជ្រ មុននេះទើបតែចេញបទថ្មីរបស់ខ្លួន មានចំណងជើងថា”មន្ដស្នេហ៍កំពង់ស្ពឺ” បង្កការចាប់អារម្មណ៍ និងគាំទ្រច្រើនពីទស្សនិកជនគ្រប់វ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈ MV បទ”មន្ដស្នេហ៍កំពង់ស្ពឺ”ត្ រូវបានគេដឹងថា លោក ករុណា ពេជ្រ បានថតសម្តែងសម្រិតសម្រាំងយ៉ាងល្អ ដោយលើកបង្ហាញពីតំបន់ទេសចរណ៍ នៅខេត្តកំពង់ស្ពឺ ជាច្រើនកន្លែងដើម្បីឲ្យពលរដ្ឋបានទៅកម្សាន្តទីនោះឲ្យកាន់តែច្រើន។

ទន្ទឹមគ្នានេះ ស្របពេលដែលបទថ្មីរបស់លោក ករុណា ពេជ្រ កំពុងទទួលបានការគាំទ្រពីមហាជននោះ ក៏ត្រូវបានប្រភពបង្ហើបឲ្យដឹងថា លោកបានត្រៀមចេញបទចម្រៀងរៀបរាប់ពីវិស័យទេសចរ ណ៍គ្រប់ខេត្តក្រុងទាំងអស់នៃព្រះរាជាណាចក្រកម្ពុជាតែម្ដង ដើម្បីជាការចូលរួមអភិវឌ្ឍន៍ទេសចរណ៍ក្នុងស្រុករបស់យើងឲ្យកាន់តែមានសក្ដានុពលថែមទៀត។

ប្រភពព័ត៌មានបានបន្តថា មូលហេតុដែលលោក ករុណា ពេជ្រ ត្រៀមចេញបទលើកស្ទួយវិស័យទេសចរណ៍គ្រប់ខេត្តក្រុងរបស់កម្ពុជា ព្រោះក្នុងនាមលោកជាតារាចម្រៀងម្នាក់ដែលចេញបទចម្រៀងណែនាំពីតំបន់ទេសចរណ៍ទាំងនោះ គឺលោកពេញចិត្តនឹងធ្វើតាមរយៈការភ្ជាប់ជាបទចម្រៀងដើម្បីឲ្យបងប្អូនកាន់តែចាប់អារម្មណ៍ពីវិស័យទេសចរណ៍របស់យើង។ ចំពោះបទចម្រៀងទាំងនោះ គឺជាការផលិតភ្លេងថ្មីទាំងស្រុង គឺដូចគ្នាបទ”មន្ដស្នេហ៍កំពង់ស្ពឺ”ដែលលោកទើបចេញថ្មីៗនេះដែរ ហើយសម្រាប់ទីតាំងថតMVគឺនឹងទៅផ្ដិតយករូបភាពនៅកន្លែងទេសចរណ៍របស់ខេត្តទាំងនោះផ្ទាល់តែម្ដងដើម្បីឲ្យស៊ីគ្នាទៅនិងបទចម្រៀង៕

អត្ថបទ៖ ចាន់រ៉ា