ជីវិតកម្សាន្ដ

តាមច្បាប់អ្នកបើកបរក្នុងស្ថានភាពស្រវឹង ជាតិអាល់កុលចាប់ពី ០,៤០ ក្នុង១ លីត្រខ្យល់មានទោសដល់ជាប់ពន្ធនាគារ និងពិន័យជាប្រាក់

បានផុស

៣ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

យោងតាមមាត្រា ៧៦ នៃច្បាប់ចរាចរណ៍ផ្លូវគោក បានបង្ហាញថា ជនណាបើកបរយានយន្ត មិនព្រមបញ្ឈប់យានយន្ត តាមការបញ្ជារបស់មន្ត្រីនគរបាលចរាចរណ៍ផ្លូវគោក ដើម្បីធ្វើតេស្ដពិនិត្យជាតិអាល់កុល ឬសារធាតុញៀន ត្រូវផ្ទន្ទាទោសដាក់ពន្ធនាគារពី ៦ថ្ងៃ ទៅ ១ខែ និងពិន័យជាប្រាក់ ១ សែនរៀល (១០០ ០០០) ដល់ ៨ សែនរៀល (៨០០ ០០០)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក មាត្រា ៧៧ ថ្មី ចែងថា ជនណាបើកបរយានយន្តនៅពេលដែលខ្លួនស្ថិតក្នុងស្ថានភាពស្រវឹង ដោយមានជាតិអាល់កុលចាប់ពី ០,៤០ មីលីក្រាមក្នុងមួយលីត្រខ្យល់ ឬចាប់ពី ០,៨០ ក្រាមក្នុងមួយលីត្រឈាមឡើងទៅ ត្រូវផ្ទន្ទាទោសដាក់ពន្ធនាគារពី១ ខែ ទៅ ៦ ខែ និងពិន័យជាប្រាក់ ៨ សែនរៀល ដល់ ៤ លានរៀល។

កាលពីវេលាម៉ោង ១ យប់រំលងអធ្រាត្រ ឈានចូលថ្ងៃទី១៤ ខែធ្នូ លោក តាប៊ុយ អតីតពិធីករល្បីឈ្មោះ បានបើករថយន្តស្ថិតក្នុងស្ថានភាពស្រវឹង ទៅបុកគូទរថយន្តព្រូសមួយគ្រឿងដែលកំពុងឈប់ស្តុប បណ្តាលឲ្យរងការខូចខាតយ៉ាងដំណំផ្នែកខាងក្រោយ ហើយបានព្យាយាមរត់គេចមិនទទួលខុសត្រូវ តែរត់មិនរួច ស្ថិតនៅ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

នៅ ថ្ងៃកើតហេតុ ម្ចាស់រថយន្តទាំងពីរបាននិយាយគ្នាដោយធ្វើការដោះស្រាយទៅតាមផ្លូវច្បាប់ ដោយលោក តាប៊ុយ បានយល់ព្រមឱ្យម្ចាស់រថយន្តរងគ្រោះយកឡានទៅ ធ្វើហើយខ្លួនជាអ្នកចេញ។

ប៉ុន្តែមួយថ្ងៃក្រោយ លោកក៏បានបង្ហាញការមិនសុខចិត្តចំពោះតម្លៃជួសជុលរថយន្ត ចំនួន ២ ២៥០ ដុល្លារ ដោយអះអាងថា ជនរងគ្រោះមានចេតនាបន្លំវិក័យបត្រជួសជុលរថយន្ត ហើយថាតម្លៃជាង ២ ពាន់នេះ មិនសាកសមទៅ នឹងការខូចខាតរថយន្ត គឺសមត្រឹមតែ ១ ពាន់ដុល្លារប៉ុណ្ណោះ។