ជីវិតកម្សាន្ដ

Jennie សមាជិក Blackpink រកចំណូលពីការថតស្ប៉តស៊ីដាច់គេ ក្នុងវិស័យ K-Pop

បានផុស

៣ years មុន

នៅ

ថ្ងៃអាទិត្យ ១៩ ធ្នូ ២០២១

ដោយ

Sonya

យោងតាមការចុះផ្សាយដោយសារព័ត៌មាន kpopstarz បានបង្ហាញពីលទ្ធផលតារាកូរ៉េ ដែលមានសមត្ថភាពរកចំណូលបានច្រើនពីការថតស្ប៉តពាណិជ្ជកម្មនានា ខណៈតារាចម្រៀងស្រីគឺបានទៅលើ Jennie សមាជិកក្រុម Blackpink។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបានឱ្យដឹងថា ក្នុងតារាងតារាចម្រៀងរកចំណូលបានច្រើនជាងគេពីការងារថតស្ប៉តពាណិជ្ជកម្មគឺ BTS ទី២គឺតារាចម្រៀងស្រី Jennie និងទី៣គឺតារាចម្រៀងប្រុស Young Woong Lim។

ប្រភពបន្ថែមថា ក្រុម BTS រកចំណូលបានខ្ពស់បំផុតពីការថតស្ប៉តប្រមាណ ៦៥ពាន់លានវ៉ុន ( ៥៤,៥លានដុល្លារ) ដោយមិនរាប់បញ្ចូលពីអចលនទ្រព្យរបស់សមាជិកម្នាក់ៗ និងចំណូលពីវិស័យបទចម្រៀងទេ។

ចំណែកឯ Jennie រកចំណូលបាន ៦០០លានវ៉ុន (ជាង ៥០ម៉ឺនដុល្លារ) ត្រឹមតែមួយស្ប៉តប៉ុណ្ណោះ ខណៈតារាស្រីរូបនេះ បង្ហាញមុខតំណាងប្រេនធំៗរបស់អន្តរជាតិជាច្រើនរួមមាន Chanel, Calvin Klein, Marie Claire, Cosmopolitan និងទស្សនាវដ្ដី Vogue ជាដើម។ បច្ចុប្បន្ននាងមានទ្រព្យសម្បត្តិប្រមាណជា ១០លានដុល្លារអាមេរិក៕