ជីវិតកម្សាន្ដ

នាយ ចឺម ពន្លយមួយប្រយោគទៅកាន់គូស្នេហ៍ធ្វើ ឲ្យអ្នកគាំទ្រសរសើរគ្រប់គ្នា

បានផុស

៣ years មុន

នៅ

ថ្ងៃពុធ ២២ ធ្នូ ២០២១

ដោយ

ភ្នំពេញ ៖ តារាចម្រៀងនាយ ចឺម ថ្មីៗកន្លងទៅនេះ បានទម្លាយមុខមាត់និងទំនាក់ទំនងស្នេហាជាមួយនារីរូបស្រស់ម្នាក់ដែលគេដឹងថា ជាមេម៉ាយកូនមួយ។អ្នកមេម៉ាយកូនមួយដែលកំពុងតែមានទំនាក់ទំនងស្នេហាជាមួយនាយ ចឺម នោះត្រូវបានគេស្គាល់មា នឈ្មោះ សេង សុខឃីម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀង ចឺម ធ្លាប់បានបញ្ជាក់ប្រាប់កម្ពុជាថ្មីឲ្យដឹងថា សម្រាប់គូស្នេហ៍ក្រោយនេះគឺស្គាល់គ្នាត្រឹមតែរយៈពេលជាង២ខែប៉ុណ្ណោះ ក៏ចាប់ផ្តើមកើតជាទំនាក់ទំនងស្នេហាតែម្តង។ នាយថា បច្ចុប្បន្នពួកគេកំពុងស្វែងយល់ចិត្តគ្នាបណ្តើរៗទម្រាំឆ្លងដល់អនាគត។

ដោយឡែកទន្ទឹមគ្នា ដែលចំណងស្នេហារបស់ពួក គេកាន់តែមានភាពផ្អែមល្ហែមនិងគាំទ្រពីមហាជនក៏ស្រាប់តែនាយ ចឺម បញ្ចេញពាក្យមួយឃ្លាទៅកាន់នារីដែលជាម្ចាស់ចិត្តបែបនេះថាអ្វីដែលខ្ញុំមិនធ្វើ គឺអ្វីដែលគាត់មិនចង់ អ្វីដែលគាត់មិនអនុញ្ញាតិ អ្វីដែលបំផ្លាញស្នាមញញឹមគាត់បែបហ្នឹងមិនមែនខ្ញុំខ្លាចគាត់ តែជាការឲ្យតម្លៃ ស្រលាញ់គោរមនុស្ស ម្នាក់ដែលខ្ញុំស្រលាញ់ព្រោះគាត់តែងតែ ឲ្យតំលៃ ស្រលាញ់គោរព និង មើលថែខ្ញុំគ្រប់ពេល។

សូមបញ្ជាក់ដែរថា កន្លងមកនាយ ចឺម ធ្លាប់សារភាពត្រង់ៗដែរថា មុនពេលដែលជួបនារីគូស្នេហ៍ក្រោយនេះ លោកបានឆ្លងកាត់ស្នេហាបរាជ័យ៣ដងរួចមកហើយ។ ប៉ុន្តែការបែកគ្នាជាមួយអ្នកមុនៗនោះគឺលោកមិនបានមានបញ្ហាអ្វីនឹងគ្នាទេ ពោលមកពីការអស់ចិត្តរៀងៗខ្លួន៕

ដោយ ៖ ចាន់រ៉ា