ស្រឡាញ់គ្នា ២ឆ្នាំ ស្នេហា Dua Lipa និង Anwar Hadid ឈានដល់ផ្លូវបំបែក

គូស្នេហ៍តារាចម្រៀងស្រី Dua Lipa និងតារាបង្ហាញម៉ូដលោក Anwar Hadid បានបែកបាក់គ្នាជាផ្លូវការហើយ កាលពីថ្ងៃទី២១ ខែធ្នូ ក្រោយពួកគេទាក់ទងគ្នារយៈពេល ២ឆ្នាំ។

ដំណឹងនៃការចែកផ្លូវរបស់តារាល្បីឈ្មោះទាំងពីរ បានធ្វើឲ្យកក្រើកបណ្ដាញសង្គម និងអ្នកកាសែត ខណៈចុងឆ្នាំ២០២១ គូស្នេហ៍មួយគូនេះ ស្ថិតក្នុងចំណោមជាគូស្នេហ៍ល្បីៗដែលមានព័ត៌មានបែកបាក់​បន្ទាប់ពីតារាបង្ហាញម៉ូដ Gigi និងតារាចម្រៀង Camila។

ប្រភពពី capitalfm បានឲ្យដឹងថា តារាចម្រៀង Dua Lipa និងតារាប្រុស Anwar Hadid ទាក់ទងគ្នាជាគូស្នេហ៍កំលុងឆ្នាំ ២០១៩។ តាំងពីប្រកាសភ្ជាប់ស្នេហ៍ជាមួយគ្នា ពួកគេតែងតែបង្ហាញរូថត និងសកម្មភាពល្ហែមជាសាធារណៈ នាំឱ្យគ្រប់គ្នា ពោលសរសើរពីស្នេហារបស់ពួកគេ។​ ទោះយ៉ាងណា រយៈពេល ២ឆ្នាំ ក្រោយសាងស្នេហ៍ ភាគីទាំងពីរសម្រេចដើរផ្លូវរៀងខ្លួនវិញ។

មកទល់នឹងពេលនេះ ទាំង Dua Lipa និង Anwar មិនទាន់មាននរណាចេញមុខមកបកស្រាយហេតុផលពិតប្រាកដពីក្រោយព័ត៌មានបែកបាក់នៅឡើយ ប៉ុន្តែប្រភពពីអ្នកស្និទ្ធិស្នាល់បង្ហើបថា គូស្នេហ៍ទាំងសងខាងឆ្អែតឆ្អន់នឹងគ្នា ហើយអស់ចិត្តស្រឡាញ់រៀងខ្លួន៕

ប្រែសម្រួល៖ សន្យា

ចុចអាន៖ ពិតទេ? Zayn ប្រើអំពើហិង្សាលើម្តាយ Gigi ទើបធ្វើឲ្យអ្នកទាំងពីរចែកផ្លូវគ្នា

ចុចអាន៖ នេះជាមូលហេតុពិតប្រាកដ ពីក្រោយការបែកគ្នារវាង Shawn ​និង Camila