ឆក់បេះដូងមហាជន! កូនខ្មែរ​ដាក់ពាក្យ​ចូលរួម​ប្រកួត ​Miss Universe Vietnam 2021​

មានការភ្ញាក់ផ្អើល និងចាប់អារម្មណ៍ខ្លាំងសម្រាប់មហាជនពិសេសអ្នកនិយមតាមដានវិស័យបវរកញ្ញាតែម្តង ខណ:ដែលមានប្រភពរាយការណ៍ថា ពេលនេះមាននារីជនជាតិខ្មែរម្នាក់បានដាក់ពាក្យចូលរួមប្រកួត Miss Universe Vietna m 2021។

ប្រភពបានឲ្យដឹងថា នារីជនជាតិខ្មែររូបនេះគឺមាន ឈ្មោះ ធី សារី មានអាយុ ២៣ឆ្នាំហើយជានិស្សិតនៅមហាវិទ្យាល័យសង្គមកិច្ច នៃសាកលវិទ្យាល័យវិទ្យាសាស្ត្រសង្គម និងមនុស្សធម៌នៃទីក្រុងហូជីមិញ។

ប្រភពក៏បានដកស្រង់សម្តីនាងថាក្នុងនាមជាកូនស្រីដែលកើត និងធំធាត់ក្នុងវប្បធម៌ប្រពៃណីរបស់ជនជាតិខ្មែរ ខ្ញុំបានទទួលមរតក និងស្រឡាញ់តម្លៃវប្បធម៌ដ៏ល្អរបស់ជាតិខ្ញុំ។

អាស្រ័យហេតុនេះខ្ញុំចូលរួមក្នុងការប្រឡងនេះដើម្បីរួមចំណែកស្វែងយល់ពីសម្រស់ប្រពៃណី និងថែរក្សាវប្បធម៌របស់ប្រជាពលរដ្ឋខ្មែរទូទៅ និងរបស់នារីខ្មែរជាពិសេស។

តាមរយៈការប្រឡងនេះខ្ញុំចង់បញ្ជាក់ខ្លួនឯងថា តួនាទីរបស់នារីក្នុងសម័យទំនើបគឺមានភាពស្វាហាប់ ប៉ុន្តែក្នុងពេលតែមួយគឺយេីង នាំមកនូវភាពស្រស់ស្អាតទន់ភ្លន់និងក្តីស្រលាញ់។

ប្រភពបន្ថែមថា ស្ត្រីសព្វថ្ងៃបានចូលរួមអះអាងពីតួនាទី និងមុខតំណែងរបស់ខ្លួនក្នុងសង្គមសម័យទំនើប។ ហើយ ខ្ញុំ សង្ឃឹមថា នារីខ្មែរក៏ក្លាហានបញ្ចេញមតិ និងអភិវឌ្ឍខ្លួនឲ្យកាន់តែមានទំនុកចិត្តឱ្យតែប្រសើរក្នុងដំណើរទៅកាន់ភាព ជោគជ័យ។ ជាមួយគ្នានេះគេឃើញមានការគាំទ្រនិងជូនពរកូនខ្មែររូបនេះឲ្យទទួលបានជោគជ័យផងដែរ៕

អត្ថបទ៖ ចាន់រ៉ា