រំលឹកភាពយន្តជំនាន់មុន ពីតារាក្បាច់គុន ឈិនឡុង ធ្លាប់អង្រួនបេះដូងទស្សនិកជន កម្ពុជា ឲ្យតាមដានជក់ចិត្ត

Jackie Chan ឬឈិនឡុង ដែលហ្វេនកម្ពុជាប្រាកដជាស្គាល់ច្បាស់ ប្រសិនបើនិយាយពីតារា ​ចិន-ហុងកុង ពូកែ​ក្បាច់​គុន​បែបកំប្លែង​ និង សើច​មិន​ចេះ​ជិនណាយ។

តារានិយមក្បាច់គុនរូបនេះ បាន​អង្រួន​បេះដូង​ទស្សនិកជន ​អស់​រយៈ​ពេល​ច្រើន​ឆ្នាំ​មក​ហើយ​ រាប់​តាំង​ពី​លោក​បាន​មកដល់​ប្រទេស​កម្ពុជា​ លើក​ដំបូង​មក​ម្លេះ។

យ៉ាងណាមិញ ខាងក្រោមនេះ គឺជារឿងពីសម័យមុនរបស់ឈិនឡុង ដែលក្នុងនោះល្បីខ្លាំង នៅប្រទេសកម្ពុជា៖

១ Police Story ១៩៨៥

ឈិនឡុង ដើរ​តួ​ជា​ប៉ូលិស​ដែលត្រូវបានរុញច្រានដោយជនខិលខូច ដែលលេងប្រព័ន្ធច្បាប់ ហើយ​គាត់​បាន​ខិតខំ​ប្រឹងប្រែង​រក​យុត្តិធម៌​ និង​ភាព​ត្រឹមត្រូវ​ សម្រាប់​សង្គម​មក​វិញ​ ដែល​ទាំង​នោះក៏​បាន​បង្ក​ឲ្យ​មាន​អំពើ​ហិង្សាដាក់គ្នាយ៉ាងខ្លាំង។ នៅ​ក្នុង​សាច់រឿង​នេះ ​ប៉ូលិស​ឈិនឡុង​ បាន​ប្រើ​ក្បាច់​គុណ​សាហាវៗ និង​កំប្លែង​ សើច​តាំង​ពី​ដើម​ដល់​ចប់។ យ៉ាងណាមិញ​ ក៏​ឈុត​ឆាកខ្លះ​ តារា​សំដែង​រូប​នេះ ​ត្រូវ​ប្រថុយ​ឲ្យ​ដូច​ពិតៗ​ ទើប​សាច់រឿង​ចេញ​មក​បែប​រស់រវើក និងទាក់ទាញទស្សនិកបាន។

២ Drunken Master II ១៩៩៤

ខ្សែភាពយន្តបែបសកម្មភាពសហសម័យនេះ​ បាននាំឲ្យឈិនឡុង ដែលដើរតួក្នុងរឿង ត្រូវវិល​ត្រលប់​ទៅទៅ​សម័យកាល​ឆ្នាំ ១៩៧៨ វិញ ។ ដោយក្នុងសាច់រឿង លោកបានមើល​ឃើញ​កូនប្រុស​ជាទី​ស្រលាញ់​ ហើយ​ភាព​ច្របូកច្របល់​របស់​គាត់​ បាន​ធ្វើ​ឲ្យ​គ្រួសារ​កាន់​តែ​មាន​មាន​បញ្ហាលើសមុន។ រឿង​នេះ​ បាន​ធ្វើ​ឲ្យ​ ឈិនឡុង ហ៊ាន​ប្រឆាំង​នឹង goons ដែល​ជាជនជាតិ​អង់គ្លេស​ និង​កំពុង​ព្យាយាម​រត់​ពន្ធ​ទ្រព្យសម្បត្តិ​របស់​ចិន​ ចេញ​ពី​ប្រទេស រហូត​ធ្វើ​ឲ្យ​មាន​ការ​ប្រយុទ្ធ​គ្នា​យ៉ាង​ខ្លាំងក្លា។

៣ Dragons Forever ១៩៨៨

Dragons Forever មានតួសំដែងសំខាន់៣នាក់ រួមមាន Jackie Chan, Sammo Hung និង Yuen Biao សាច់រឿង​នេះ​ គឺ​ជា​ជ័យជម្នះ​ដ៏​អស្ចារ្យ​បំផុត​ ក្នុង​ក្រុម​ផលិត​ភាពយន្ដ ហើយ​អ្នក​ទាំង​បី​បាន​រួបរួម​គ្នា​ក្នុង​នាម​ជា​អ្នក​ខ្លាំង​ក្បាច់គុន ជួយដល់សង្គម។ សាច់រឿង​នេះ ​និយាយ​​សាជីវកម្ម​គីមី​ ដែល​មិន​មាន​ផល​ល្អ ហើយ​អ្នក​ទាំង​បី​មាន មេធាវី អ្នក​លក់​អាវុធ និង​អ្នក​បង្កើត​ក្លែងក្លាយ បាន​​រួមគ្នា​ ដើម្បី​បញ្ឈប់​ពួក​ឧក្រិដ្ឋជន​ខិលខូច​ទាំង​នោះ។

៤ Rumble in the Bronx ១៩៩៥

ក្នុង​សាច់រឿង​នេះ ​ឈិនឡុងនិងអ្នកដឹកនាំរឿង Stanley Tong បានសហការគ្នា​ បង្កើត​រឿង​បែប​កំប្លែង ​ដែល​បង្ហាញ​ពី​សមត្ថភាព​រាងកាយ​ដ៏​អស្ចារ្យ​របស់ ឈិនឡុង ​រួម​ជាមួយ​នឹង​ការ​បង្ហាញ​ពីទេសភាព​ភ្នំ​ដ៏​ស្រស់​ស្អាត ​នៅ​ខាងក្រៅ​ទីក្រុង​ញូវយ៉ក។ យ៉ាងណាមិញ​ នេះគឺជាខ្សែភាពយន្ត​ដែល​បាន​ជួយ​ណែនាំឲ្យឈិនឡុង ទៅកាន់ទីផ្សារធំ​របស់​សហរដ្ឋអាមេរិក​ផងដែរ។

៥ Drunken Master ១៩៧៨

ផលិត​និង​ចេញ​ផ្សាយ​តែ​ ៧​ ខែ​ប៉ុណ្ណោះ​ បន្ទាប់​ពី “Snake in the Eagle’s Shadow,” ក្នុងសាច់រឿងនេះ ឈិនឡុង ជាមនុស្ស​ខឹងសម្បា​ និង​ខ្លាំងក្លា​ ហើយ​ក៏​ពូកែ​ទាត់​ធាក់​ មាន​ជម្លោះ​ជាមួយមនុស្សគ្រប់គ្នា។ គាត់ចាញ់ពីរបីដងដំបូង រួមទាំង​​ប្រឆាំង​នឹង​មីង​របស់​គាត់ និង​មួយ​ទៀត​ ប្រឆាំង​នឹង​មនុស្ស​អាក្រក់​ ដែល​គេ​ស្គាល់​ថា “Devil’s Kick” ប៉ុន្តែ​បន្ទាប់​ពី​ការ​ហ្វឹកហាត់​ដ៏​ខ្លាំងក្លា និង​ទទួលការឈឺចាប់​មួយ​ចំនួនរួចមក គាត់​ក៏​ត្រលប់​មក​កម្ចាត់​បុរស​អាក្រក់​នោះ​វិញ។

៦ The Foreigner ២០១៧

ឈិនឡុងបានដើរតួជាជនអន្ដោប្រវេសន៍ ដោយ​បន្សល់ទុកនូវ​អតីតកាលដ៏ខ្មៅងងឹត​មួយនៅពីក្រោយ ដើម្បីចិញ្ចឹមកូនស្រីរបស់គាត់ ខណៈពេលវិលត្រលប់មកវិញ កូនស្រីរបស់គាត់បានស្លាប់ក្នុងការវាយប្រហារភេរវកម្ម ហើយលោកក៏ស្វែងរកការ​សងសឹក ជូនកូនស្រី។

ក្នុងរឿងនេះ លោកបាន​សម្តែង​នូវក្បាច់គុន​ដ៏អស្ចារ្យ ក្នុងនាមជាមនុស្សល្ងីល្ងើ ដែលបញ្ឆេះ​ដោយ​កំហឹងនិងហិង្សាជាខ្លាំង ជាពិសេសលោកក៏បង្ហាញពីសមត្ថភាពដែលមាន ដោយបញ្ចេញគ្មានខ្លាចជនអន្ធពាលណាម្នាក់ឡើយ៕

ប្រែសម្រួល៖ សាង ស្រីល័ក្ខ

ចុចអាន៖ឈិនឡុង នៅ​តែ​ជា​តារា​ប្រុស​ដើមកំណើត​ចិន​មាន​ទ្រព្យ​ច្រើន​ជាង​គេ

ចុចអាន៖រំលឹកអតីកាលភាពយន្ត ចិន-ហុងកុង ពីតារាកំប្លែង​វោហារសព្ទ​ ទិនហ្វី ធ្លាប់កក្រើកនៅ កម្ពុជា