ជីវិតកម្សាន្ដ

បុរសម្នាក់បញ្ជាក់ពីក្មេងប្រុសដែលគេសង្ស័យថាជាកូនរបស់ មាស សុខសោភា

បានផុស

៣ years មុន

នៅ

ថ្ងៃពុធ ៥ មករា ២០២២

ដោយ

តារាចម្រៀងស្រី មាស សុខសោភា ថ្មីៗនេះបានបែកធ្លាយនូវរូបថតនៃពិធីមង្គលការដែលមានរយ:ពេល១២ឆ្នាំ បង្កការភ្ញាក់ផ្អើលដល់អ្នកគាំទ្រគ្រប់គ្នា។ លើសពីរឿងដែលគេកាន់ចាប់អារម្មណ៍ខ្លាំងថែមទៀតនោះ ស្របពេលនេះក៏ស្រាប់តែធ្លាយរូបក្មេងប្រុសម្នាក់ទៀតដែលគេសង្ស័យថាជាកូនប្រុសរបស់ មាស សុខសោភា និងស្វាមីផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពជាច្រើនសន្លឹងស្ថិតក្នុងសកម្មភាពស្និទ្ធស្នាលលក្ខណ:គ្រួសាររវាងអ្នកនាង មាស សុខសោភា និងស្វាមីព្រមទាំងក្មេងប្រុសជំទង់នោះកំពុងត្រូវបានគេទម្លាយជាបន្តបន្ទាប់ ខណ:មានការលើកឡើងថា ក្មេងប្រុសម្នាក់នេះជាកូនរបស់តារាចម្រៀង មាស សុខសោភា។ ប៉ុន្តែកន្លងមកមិនទាន់មានប្រភពផ្លូវការណាមួយបញ្ជាក់នៅឡើយទេ។ ចំណែក មាស សុខសោភា ក៏គ្មានប្រតិកម្មអ្វីដែរ។

ដោយឡែកបន្ទាប់ពីមានការរីកសាយភាយដំណឹងនេះកាន់តែខ្លាំង និងក្លាយជាមន្ទិលមហាជនទូទៅក៏ស្រាប់តែគេឃើញបងប្រុសបង្កើតរបស់ មាស សុខសោភា គឺលោក មាស សុខរតនៈ បានចេញមុខអះអាងតាមរយ:សារព័ត៌មានថា ក្មេងប្រុសវ័យជំទង់នោះពុំមែនជាកូនរបស់តារាចម្រៀងអ្នកនាង មាស សុខសោភា ដូចការសង្ស័យឡើយ។

លោក មាស សុខរតន: បានលើកឡើងដូច្នេះថា «ការពិតក្មេងប្រុសម្នាក់នោះមិនមែនជាកូនបង្កើតរបស់ មាស សុខសោភា ទេ ពោលគឺគ្រាន់តែពួកគេទាំងអស់គ្នាស្រឡាញ់ក្មេងប្រុសម្នាក់នេះដូចកូនបង្កើតអញ្ចឹងដែរ»។ លោកថា ក្មេងប្រុសខាងលើគឺជាកូនរបស់មិត្តភ័ក្ដិស្វាមី មាស សុខសោភា ប៉ុណ្ណោះ ។

លោកបន្តថា សាកគិតមើលបើប្អូនស្រីរបស់លោក (មាស សុខសោភា)ទើបតែការបាន១២ឆ្នាំហេតុអ្វីត្រូវមានកូនដល់អាយុ១៥ឬ១៦ឆ្នាំកើត។ លោកបន្ថែមថា ចំពោះភាពស្និទ្ធស្នាលនោះដោយសារតែគ្រួសារពួកគេមានការរាប់អានគ្នានិងក្មេងប្រុសនោះចូលចិត្ត មាស សុខសោភា ខ្លាំងទើបក្មេងប្រុសនោះស្រលាញ់និងហៅ សោភា និងស្វាមីថា ប៉ាម៉ាក់តែម្ដង៕

អត្ថបទ៖ ចាន់រ៉ា