ជីវិតកម្សាន្ដ

សុខ ស្រីម៉ុច សម្រស់កាន់តែស្រស់ស្អាត ក្រោយបាត់មុខពីសិល្បៈមួយរយៈខ្លី

បានផុស

៥ years មុន

នៅ

ថ្ងៃពុធ ៩ ធ្នូ ២០២០

ដោយ

តារាសម្តែងស្រីមានប្រជាប្រិយភាពកញ្ញា សុខ ស្រីម៉ុច ទោះបីជាគិតមកទល់ពេលនេះ អាជីពសិល្បៈរបស់នាងហាក់មានភាពស្ងប់ស្ងាត់បន្តិច អំឡុងពេលផ្ទុះជំងឺកូវីដ-១៩ក៏ពិតមែន ប៉ុន្តែសន្ទុះនៃការគាំទ្រនិងរូបសម្ផស្សរបស់តារាស្រីរូបនេះ ហាក់ពុំមានការបាត់ស្រុតចុះឬថមថយប្រជាប្រជាប្រិយភាពឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃការរក្សាបានប្រជាប្រិយភាពនេះដែរ បច្ចុប្បន្នតារាស្រីកញ្ញា សុខ ស្រីម៉ុច ក៏មានការប្រែប្រួលខ្លាំងទាំងជីវភាពរស់នៅប្រចាំថ្ងៃ និងភាពហ៊ឺហាប្រើប្រាស់របស់មានតម្លៃថ្លៃៗមិនចាញ់តារាស្រីឯទៀតនោះទេ។ មិនតែប៉ុណ្ណោះ ស្រីម៉ុច ក៏កាន់តែមានភាពសិចស៊ីស្រស់ស្អាតខ្លាំងជាងមុនទៀតផង។ ការរក្សាបានទីផ្សារសិល្បៈ តាមរយៈការចេញសម្តែង-ច្រៀងនិងភាពសិចស៊ីស្រស់ស្អាតពីក ញ្ញា សុខ ស្រីម៉ុច ពេលនេះក៏ត្រូវទស្សនិកជនមួយចំនួនយល់ថា នាងនូវតែអាចក្តាប់បានឱកាសចេញកើបលុយ ដើម្បីតម្រូវជីវភាពនិងភាពហ៊ឺហាប្រចាំថ្ងៃ។ ម្យ៉ាងទៀត សម្រាប់ស្ទុះនៃការគាំទ្រ នៅតែមានច្រើននេះ ក៏ព្រោះតែសមត្ថភាពនិងទេពកោសល្យរបស់ ស្រីម៉ុច រក្សាបានគ្រឹះដ៏រឹងមាំចំពោះអាជីពសិល្បៈសព្វថ្ងៃ។

តារាសម្តែងកញ្ញា សុខ ស្រីម៉ុច បញ្ជាក់ថា ចំពោះអាជីពសិល្បៈបច្ចុប្បន្ននៅតែមានដំណើរការល្អដូចមុខគ្រាន់តែពេលខ្លះ នាងហាក់រៀងរយាលបន្តិច ព្រោះជាប់រវល់ការងារផ្ទាល់ខ្លួនខាងក្រៅ។ ស្រីម៉ុច បាននិយាយទៀតថា បច្ចុប្បន្នក៏មានការការទាក់ទងហៅចេញច្រៀងនិងថតសម្តែងជាបន្តបន្ទាប់ ពីបណ្តាស្ថានីយទូរទស្សន៍និងផលិតកម្មភាពយន្តក្នុងស្រុកមួយចំនួន ផងដែរ។ បន្ថែមពីលើនេះ សុខ ស្រីម៉ុច និយាយថា ទោះបីជាពេលខ្លះនាងរវល់ការងារខាងក្រៅ ក៏នៅតែមិនបោះបង់អាជីពសិស្បៈ ដែលនាងបានខិតខំពង្រឹងសមត្ថភាពនិងទេពកោសល្យ ដើម្បីសាងកេរ្តិ៍ជាច្រើនឆ្នាំរហូតមកទល់ពេលបច្ចុប្បន្ននោះដែរ ពិសេសជាងនេះ នាងក៏អរគុណដល់ទស្សនិកជន ដែលតែងតែគាំទ្រនិងឲ្យតម្លៃលើការសម្តែងរបស់នាងរហូតមក៕