ជីវិតកម្សាន្ដ

ម៉ាកនាឡិកាល្បីមួយ បានយកសិល្បៈគំនូរកូនខ្មែរ ២ នាក់ ច្នៃចេញជានាឡិកាដ៏ស្រស់ស្អាត ដាក់តាំងពិព័រណ៍ នៅទីក្រុងឌូបៃ

បានផុស

៣ years មុន

នៅ

ថ្ងៃពុធ ១៩ មករា ២០២២

ដោយ

សិល្បៈគំនូររបស់កូនខ្មែរ ២ នាក់ បានក្លាយទៅជានាឡិការបស់ម៉ាកល្បីមួយ នៅប្រទេស Swizerland ដែលបានជ្រើសរើសក្នុងចំណោម ១៩៤ ប្រទេសទូទាំងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិតជាគួរឲ្យកោតសរសើរ និងមោទកភាពចំពោះស្នាដៃសិល្បៈគំនូររបស់កូនខ្មែរ ២ រូប ត្រូវបានម៉ាកនាឡិកា SWATCH ប្រទេស Swizerland ជ្រើសរើសច្នៃជានាឡិកាដ៏ស្រស់ស្អាត តំណាងឲ្យប្រទេសកម្ពុជា ក្នុងការតាំងពិព័រណ៍ នៅទីក្រុងឌូបៃ។

តាមរយៈការបង្ហាះរបស់កញ្ញា លីសា ម៉ម ( Lisa Mam ) បានឲ្យដឹងថា “មិនគួរឲ្យជឿ ១៩៤ ប្រទេសទូទាំងពិភពលោកក្នុងនោះ ក៏មានសិល្បៈគំនូររបស់ប្រទេសកម្ពុជាយើងដែរ កម្មវិធីរបស់នាឡិកាម៉ាកល្បីល្បាញ SWATCH នៃប្រទេស Switzerlandបានជ្រើសរើសយក សិល្បៈគំនូររបស់ខ្ញុំ និងបង Peap tarr សម្រាប់ចូលរួមតាំងពិព័រណ៍នៅទីក្រុង Dubai ខ្ញុំពិតជាមានមោទកភាពណាស់ក្នុងនាមជាវិចិត្រករខ្មែរម្នាក់ ដែលត្រូវក្រុមហ៊ុន SWATCH ជ្រើសរើសដើម្បីជាតំណាងឲ្យប្រទេសកម្ពុជា ក្នុងការចូលរួមកម្មវិធីដ៏ធំមួយនេះ ហើយនាឡិកានេះដែរ គឺកំពុងដំណើរការដាក់លក់នៅក្នុង website របស់ក្រុមហ៊ុន SWATCH នៃប្រទេស Switzerland ផងដែរ អរគុណដល់ការគាំទ្រ និងការផ្ដល់កម្លាំងចិត្តពីបងប្អូន មិត្តភក្ដិទាំងអស់គ្នាជារៀងរហូតមក ជូនពរអ្នកទាំងអស់គ្នាឲ្យជួបតែសំណាងល្អ សុខភាពល្អ ដោយក្ដីស្រលាញ់ លីសា ម៉ម៕