ជីវិតកម្សាន្ដ

សួស វីហ្សា ៖ បើមិនចង់ឃើញអ្នកសិល្បៈលើកដៃសុំជំនួយសូមបើកចិត្តឲ្យទូលាយចំពោះរឿងនេះ

បានផុស

៣ years មុន

នៅ

ថ្ងៃព្រហស្បតិ៍ ២០ មករា ២០២២

ដោយ

ភ្នំពេញ ៖ តារាចម្រៀងស្រីមានដើមកំណើតពីខេត្ត ស្វាយរៀងអ្នកនាង សួស វីហ្សា ស្របពេលដែលបច្ចុប្បន្នកំពុងតែជោគជ័យលើមុខជំនួនជាច្រើនត្រូវបានគេមើលឃើញថានាងកាន់តែផ្លាស់ប្តូរជីវ ភាពស្ទើរ៣៨០ដឺក្រេរ។

ទន្ទឹមគ្នាដែលមុខជំនួញជោគជ័យនេះដែរ សួស វី ហ្សា កន្លងមកក៏ធ្លាប់រងការរិះគន់មួយចំនួនពីទស្សនិកជនតាមរយៈការឡាយលក់ផលិតផលនៅលើបណ្តាញសង្គមផងដែរ។ ទើបបញ្ហានេះត្រូវបាននាងចាត់ទុកថាជាសម្ពាធផ្លូវចិត្តមួយដែលពិបាកទទួលយកសម្រាប់នាងនិងអ្នកសិល្បៈឯទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែហេតុផលនេះហើយ បានតារាចម្រៀង សួស វីហ្សា បានចេញមុខស្នើដូច្នេះថា នាងសុំចិត្តមហាជនឲ្យឈប់ដាក់សម្ពាធលើអ្នកសិល្បៈដែលកំពុងធ្វើជំនួញ។ សួស វីហ្សា លើកឡើងថា ទោះជាអ្នកសិល្បៈទោះជាតារាល្បី ឬ មិនល្បី តែពួកយើងសុទ្ធតែមានគ្រួសារជាបន្ទុកដូចអ្នកទាំងអស់គ្នាដែរ។

សួស វីហ្សា បញ្ជាក់ថា ហេតុនេះនាងចង់សុំឲ្យអ្នកទាំងអស់គ្នាបើកចិត្តអោយទូលាយបើកផ្លូវបើកឱកាសឲ្យតារាជាច្រើនដូចពួកយើងបានចេញមកធ្វើជំនួញផ្សេងៗក៏ដូចជាបានចេញរកស៊ីផង។ សូមឈប់ដាក់សម្ពាធលើពាក្យថា តារាទើបតារាលែងមានឈ្មោះថា ពេលពិបាកលើកដៃសុំជំនួយ ពួកយើងជាតារាសព្វថ្ងៃកំពុងតែប្រឹងប្រែងរកស៊ីលើគ្រប់រូបភាពហេតុតែមិនចង់ឲ្យឮពាក្យថាតារាតែងតែសុំជំនួយៗពីមាត់មហាជនតទៅទៀតទេ។

ហេតុនេះហើយចង់សុំចិត្តបងប្អូនទាំងអស់គ្នាថា បើឃើញតារាតារាទាំងជើងចាស់ទាំងថ្មីពួកគាត់កំពុងប្រឹងប្រែងរកស៊ីហើយ សូមបើកផ្លូវអោយគាត់រកស៊ីទៅ ឲ្យតារាគាត់បានធ្វើការងារផ្សេងៗពីសិល្បៈផងទៅ។ សំខាន់ឲ្យតែពួកគាត់រកស៊ីស្របច្បាប់លើកទឹកចិត្តគាត់ផងទៅចុះ។ សួស វីហ្សា បន្ថែម៕

ដោយ ៖ ចាន់រ៉ា