ថតរឿងភាគលើកដំបូងចប់ភ្លាម Jisoo សមាជិក BLACKPINK ឈ្នះពានមួយភ្លែត

ទើបតែថតរឿងភាគលើកដំបូង Jisoo សមាជិកក្រុម BLACKPINK អាចដណ្ដើមបាន​ពាន​រង្វាន់​តារា​សម្ដែង​ថ្មី​ល្អ​បំផុត (Best New Actress) ​ក្នុង​កម្មវិធី DDU Awards លើក​ទី ២ នៅ​ប្រទេស​ថៃ។

នៅថ្ងៃនេះ ប្រព័ន្ធផ្សព្វផ្សាយកូរ៉េជាច្រើន បានចេញផ្សាយព័ត៌មានរបស់ Jisoo ដែលបានឈ្នះតំណែងជាតារាស្រីថ្មីឆ្នើម ក្រោយពីចូលរួមសម្ដែងភាពយន្តភាគលើកដំបូងក្នុងរឿង “Snowdrop” របស់ទូរទស្សន៍ JTBC នៅក្នុងកម្មវិធី «2nd DDU Awards»ឬ «Thailand Korean Drama Awards» ឆ្នាំ២០២២។

តារាចម្រៀង K-pop រូបនេះ បានទទួលពិន្ទុពី​ការ​បោះ​ឆ្នោត ៣០% មកពីអ្នក​គាំទ្រ និង ៧០% បានមកពីប្រជាប្រិយភាពរបស់​ក្រុម ដែលពិន្ទុនេះបានធ្វើឱ្យនាងអាចគ្រងតំណែងជាតារាស្រីថ្មីឆ្នើម ប្រចាំឆ្នាំ។ ក្រោយពីប្រឡូកក្នុងវិស័យភាពយន្តលើកទី១ Jisoo ទទួលបានការ​សរសើរយ៉ាងខ្លាំង​ចំពោះ​សមត្ថភាពសម្ដែង​ ជាពិសេសនៅលើបណ្ដាញ​អ៊ីនធឺរណិតនានា ហ្វេនៗបានបង្ហោះដាក់ hashtags ចំណងជើងរឿង និងឈ្មោះរបស់នាងយ៉ាងច្រើនផងដែរ។

ទោះបីជារឿងនេះ កាលពីភាគដំបូងៗ មានបញ្ហាចម្រូងចម្រាសពីពលរដ្ឋកូរ៉េឱ្យឈប់ចាក់ផ្សាយក៏ដោយ ប៉ុន្តែ “Snowdrop” នៅតែមានសន្ទុះគាំទ្រពីបណ្ដាប្រិយមិត្តក្រៅប្រទេស ​និងបានរុញច្រានឱ្យតួឯកស្រី Jisoo កើនកេរ្តិ៍ឈ្មោះទ្វេឡើង រហូតអាចឈ្នះពាន ទាំងរឿងមិនទាន់បញ្ចាំងចប់ស្រួលបួល៕

ប្រែសម្រួល៖ ​សន្យា

ចុចអាន៖ ឆ្នាំ២០២២ Jennie សមាជិកក្រុម BLACKPINK ចង់ផ្ដោតលើរឿងនេះ

ចុចអាន៖ Thuy Tien ក្លាយជាបវរកញ្ញា MGI ដំបូង រកចំណូលបានច្រើនជាងគេឱ្យក្រុមហ៊ុន