នេះសម្រស់ពិតបវរកញ្ញា Thuy Tien ពេលអត់ផាត់មុខ!

បវរកញ្ញាម្ចាស់មកុដ Miss Grand International ឆ្នាំ២០២១ កញ្ញា Nguyen Thuc Thuy Tien ជារាជិនីកំពូលសម្រស់ ដែលត្រូវបានអ្នកនិយមលេងបណ្ដាញសង្គម ស្វែងរកច្រើនបំផុតលើអ៊ីនធឺរណិតសម្រាប់ប្រវត្តិសាស្ត្រ MGI។

បវរកញ្ញាវៀតណាមរូបនេះ មិនត្រឹមតែទទួលបានការគាំទ្រពីប្រទេសកំណើតនោះទេ សូម្បីបណ្ដាមហាជនអន្តរជាតិ ក៏ពេញចិត្តពេញថ្លើមនឹងនាងខ្លាំងផងដែរ ខណៈពេលថ្មីៗនេះ នាងទើបតែបំបែកកំណត់ត្រា​ ក្លាយជាបវរកញ្ញា Miss Grand International ដំបូងគេ ដែលរកចំណូលឱ្យក្រុមហ៊ុនបានច្រើនបំផុត។

ដោយសារភាពរូបសម្រស់ស្រស់ស្អាត ពោរពេញដោយទេពកោសល្យ និងសមត្ថភាពដ៏ពូកែ Thuy Tien កាន់តែល្បីល្បាញពីមួយថ្ងៃទៅមួយថ្ងៃ ជាពិសេសសាធារណជនតែងតែចង់ដឹងពីរឿងរ៉ាវនានាដែលពាក់ព័ន្ធនឹងនាង​មិនថា ការថែរក្សាសម្រស់ និងសកម្មភាពប្រចាំថ្ងៃផ្សេងទៀត។

ក្នុងនោះ គេពិតជាចង់ឃើញណាស់ថា តើបវរកញ្ញាដ៏ស្រស់ស្អាតរូបនេះ មានសម្រស់បែបណា ពេលដែលនាងមិនបានផាត់មុខអ្វីបន្តិច។

ដើម្បីស្រាយចម្ងល់នេះ សារព័ត៌មានក្នុងស្រុកបានទម្លាយរូបថតរបស់ Thuy Tien ដែលមិនបានផាត់មុខតតែសោះ ខណៈក្រោយបានឃើញហើយ ហ្វេនៗស្រាប់តែផ្ទុះការសរសើរកាន់តែខ្លាំងលើរូបសម្បត្តិរបស់នាងថាពិតជាសក្តិសមជា Queen ពិតៗ ដែលត្រូវតាម​ស្តង់ដារ​សម្រស់​បវរកញ្ញា​អន្តរជាតិ​។

រូបថតទាំងនោះបង្ហាញថា បវរកញ្ញាវៀតណាម នៅតែមានសម្រស់ស្អាតខ្លាំង ស្បែកភ្លឺថ្លា ទោះបីគ្មានក្រែមគ្មានម្សៅ ឬការកែកុនរូបថតយ៉ាងណាក្ដី។

ស្របពេលជាមួយគ្នាដែរ គេ​ដឹងថា ដើម្បី​រក្សាសម្រស់ស្រស់ស្អាត ក្មេងជាងវ័យ បវរកញ្ញាវ័យ ​២៤ឆ្នាំរូបនេះ តែងយកចិត្តទុកដាក់​យ៉ាងខ្លាំង​ចំពោះ​ការ​ថែរក្សា​ស្បែក​។ បន្ថែមពីលើការទទួលទានទឹកឱ្យបានគ្រប់គ្រាន់ នាងជាមនុស្សប្រយ័ត្នប្រយែងលើការសម្អាតមុខ ក្រោយ Make up ពេញមួយថ្ងៃ៕

ប្រែសម្រួល៖ សន្យា

ចុចអាន៖ Thuy Tien ក្លាយជាបវរកញ្ញា MGI ដំបូង រកចំណូលបានច្រើនជាងគេឱ្យក្រុមហ៊ុន

ចុចអាន៖ ថតរឿងភាគលើកដំបូងចប់ភ្លាម Jisoo សមាជិក BLACKPINK ឈ្នះពានមួយភ្លែត