ជីវិតកម្សាន្ដ

ខេមរៈ សិរីមន្ត ធ្វើពិធីបុណ្យគំរប់ខួប៣ឆ្នាំ ខេមរៈ ស្រីពៅ យ៉ាងអធិកអធម

បានផុស

៣ years មុន

នៅ

ថ្ងៃចន្ទ ២៤ មករា ២០២២

ដោយ

ភ្នំពេញ ៖ គិតមកទល់ពេលនេះតារាចម្រៀងកញ្ញា ខេ មរ: ស្រីពៅបានទទួលមរណភាពមានរយ:ពេល៣ ឆ្នាំទៅហើយខណៈការស្លាប់នេះក៏នៅតែបន្សល់ទុកភាពសោកស្តាយជាពន់ពេកសម្រាប់ក្រុមគ្រួសាររបស់នាងទាំងមូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយក្តីនឹកអាល័យនិងដើម្បីជាការឧទិ្ទសកុសលដល់វិញ្ញាណក្ខន្ធរបស់តារាចម្រៀង ខេមរៈ ស្រីពៅ នៅរសៀលថ្ងៃទី២៤ខែមករាឆ្នាំ២០២២នេះ បងប្រុសបង្កើតរបស់នាងគឺលោក ខេមរៈ សិរីមន្ត និងក្រុមគ្រួសារបានរៀបចំពិធីបុណ្យគំរប់ខួប៣ឆ្នាំយ៉ាងអធិកអធមនៅឯស្រុកកំណើតលើទឹកដីស្រុកព្រៃ ឈរខេត្តកំពង់ចាម។

បើតាមការបញ្ជាក់គឺកំពូលតារាចម្រៀងលោក ខេមរៈ សិរីមន្ដ ជាបងប្រុសបង្កើតព្រមទាំងឪពុក ម្ដាយនិងបងប្អូនដទៃទៀតបានរៀបចំពិធីបុណ្យគំរប់ខួប៣ឆ្នាំនេះដើម្បីឧទ្ទិសកុសលដល់វិញ្ញាណក្ខន្ធកញ្ញា ខេមរៈ ស្រីពៅ។ លោក ខេមរៈ សិរីមន្ត បានថ្លែងថា បុណ្យខួបបីឆ្នាំរបស់ប្អូនស្រី ខេមរៈស្រីពៅសូមកុសលផលបុណ្យបានប្អូនកុំបីខានឡើយ។

លោកបន្ថែមថា យប់នេះដឹងតែសប្បាយហើយមានល្ខោនផងមានចាប៉ីផងនិងតន្ត្រីផង។ គួររំលឹកថាតារាចម្រៀងកញ្ញា ខេមរៈ ស្រីពៅ ដែលត្រូវជាប្អូនស្រីបង្កើតលោក ខេមរៈ សិរីមន្ត បានទទួល មរណភាព កាលពីថ្ងៃទី២៥ ខែមករា ឆ្នាំ២០១៩ ដោយសារបញ្ហាជំងឺក្រលៀននិងសួតធ្ងន់ធ្ងរបន្ទាប់ពីបានបញ្ជូនទៅព្យាបាលនៅក្នុងប្រទេសឥណ្ឌាមួយរយៈពេល៕

ដោយ ៖ ចាន់រ៉ា