ជីវិតកម្សាន្ដ

សួង សាខារ៉ានីត រំភើបខ្លាំងដែលមានឱកាសសម្ដែងក្នុងរឿងប្រវត្តិសាស្ត្រ”កូនប្រុសក្រោមពន្លឺព្រះចន្ទពេញបូណ៌មី”

បានផុស

៣ years មុន

នៅ

ថ្ងៃសុក្រ ២៨ មករា ២០២២

ដោយ

តារាសម្តែងរូបស្រស់កញ្ញា សួង សាខារ៉ានីត បង្ហាញអារម្មណ៍រំភើបខ្លាំងបន្ទាប់ពីទទួលបានឱកាសសម្ដែងក្នុងខ្សែភាពយន្តប្រវត្តិសាស្ត្ររឿង” កូនប្រុសក្រោមពន្លឺព្រះចន្ទពេញបូណ៌មី” ដែលជាខ្សែ ភាពយន្តនិយាយពីជីវិតពិតរបស់ថ្នាក់ដឹកនាំកំពូលរបស់ប្រទេកម្ពុជា។

អំឡុងពេលដែលក្តាប់បានឱកាសចូលរួមសម្តែងក្នុងរឿង ” កូនប្រុសក្រោមពន្លឺព្រះចន្ទពេញបូណ៌មី ” នេះដែរ កញ្ញា សួង សាខារ៉ានីត បានបង្ហាញអារម្មណ៍រំភើបខ្លាំងខណ:មហាជនជាច្រើនក៏បានសម្តែងការគាំទ្រនិងសរសើរនាងដែលទទួលបានឱកាសនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា សួង សាខារ៉ានីត បានរៀបរាប់ភ្ជាប់សំណេររំភើបដូច្នេះថា មហាសប្បាយចិត្តខ្លាំងណាស់ថ្ងៃនេះដែលនាងខ្ញុំបានចូលរួមថតរឿង«កូនប្រុសក្រោមពន្លឺព្រះចន្ទពេញបូណ៌មី» និងសូមអគុណដល់បងប្រុស ហ៊ុយ វាសា និងបងស្រីនាដ បងប្រុស សេកផល្លី ខ្លាំងណាស់បង។ ប្អូនគ្មានអ្វីជូនបងបងក្រៅពីម្រាមដៃដប់សូមគោរពអគុណលោកទាំងបីអស់ពីចិត្តរបស់ប្អូននោះបង។ គេកត់សម្គាល់ដឹងដែរថា សម្រាប់តួឯកប្រុសនៅក្នុងរឿងនេះ គឺលោក ប៉ាន់ ខែមម៉ានូ ខណ:តួឯកស្រីគឺកញ្ញា ហ៊ិន ច័ន្ទនីរ័ត្ន។

សូមបញ្ជាក់ថា ខ្សែភាពយន្តប្រវត្តិសាស្ត្ររបស់ខ្មែររឿង«កូនប្រុសក្រោមពន្លឺព្រះចន្ទពេញបូរមី» បានចាប់ផ្តើមធ្វើពិធីក្រុងពាលីថតជាផ្លូវការនៅព្រឹកថ្ងៃទី១៣ ខែធ្នូ ឆ្នាំ២០២១ ក្រោមអធិបតិភាពដ៏ខ្ពង់ខ្ពស់របស់សម្តេចតេជោ ហ៊ុន សែន នា យករដ្ឋមន្ត្រីនៃប្រទេសកម្ពុជា។

ពិធីក្រុងពាលីរឿង«កូនប្រុសក្រោមពន្លឺព្រះចន្ទពេញបូរមី»នេះ គឺបានប្រព្រឹត្តធ្វើឡើងនៅទីបញ្ជាការដ្ឋានកងអង្គរក្សសម្តេចតេជោនាយករដ្ឋមន្ត្រី ក្នុងទីក្រុងតាខ្មៅ ខេត្តកណ្តាល ។ ដោយក្នុងនោះក៏មានវត្តមានបុត្រា-បុត្រីទាំង៤របស់សម្តេចតេជោ ហ៊ុន សែន អញ្ជើញចូលរួមផងដែរ។ ម្យ៉ាងទៀតក៏តារាប្រុស-ស្រីចាស់ក្មេងល្បីៗជាច្រើនក៏បានបង្ហាញវត្តនៅក្នុងពិធីនេះដែរ៕

អត្ថបទ៖ ចាន់រ៉ា