ជីវិតកម្សាន្ដ

មាន សូនីតា ៖ មនុស្សពីរនាក់ស្រលាញ់គ្នាបើកាន់តែរឹតបន្តឹងក៏កាន់តែឆាប់របូតទៅដោយងាយ

បានផុស

៣ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

ភ្នំពេញ៖តារាសម្តែងធ្មេញជំពើសកញ្ញា មាន សូនីតា បើតាមការកត់សម្គាល់មួយរយៈចុងក្រោយនេះនាងហាក់កាន់តែបង្ហាញច្បាស់ៗនូវរឿងរ៉ាវជីវិតស្នេហាឯកជនផ្ទាល់ខ្លួនខណៈដែលមានទស្សនិកជនមួយចំនួនធំក៏កំពុងតាមដានចង់ដឹងជុំវិញបញ្ហាជីវិតគូរបស់ស្រីស្រស់ មាន សូនីតា ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបីជាតារាស្រីកញ្ញា មាន សូនីតា តែងបង្ហាញពីអារម្មណ៍ពាក់ព័ន្ធនឹងរឿងរ៉ាវស្នេហាក្រៅឆាកយ៉ាងណាក្តី តែតារាស្រីរូបនេះក៏ត្រូវបានគេសង្កេតឃើញថា មានពេលខ្លះគឺនាងដូចជាខ្វាយខ្វល់ចិត្តខ្លាំងរហូតទម្លាយសារចេញពីចិត្តធ្វើឲ្យមហាជននិងអ្នកគាំទ្របង្ហាញចម្ងល់គ្រប់គ្នា។ប៉ុន្តែជាការស្រាយមន្ទិលមិនទាន់ត្រូវបានតារាស្រីម្នាក់នេះឆ្លើយបញ្ជាក់ច្បាស់ការពិតនៅឡើយទេ។

ជាក់ស្តែងនៅលើទំព័រហ្វេសប៊ុកផ្លូវការរបស់ មាស សូនីតា នារសៀលថ្ងៃទី១០ខែធ្នូ ឆ្នាំ២០២០នេះនាងបានសរសេរបញ្ចេញខ្លឹមសារមួយប្រយោគដោយមានអត្ថន័យដូច្នេះថា កាន់តែរឹតបន្តឹង -កាន់តែរបូត។ គេមិនអាចយកជីវិតមនុស្សមកសុំវិញចូរឲ្យស៊ីគ្នាដោយងាយបានទេត្រូវចាំថាចង្វាក់នៃដំណើរជីវិតរបស់មនុស្សម្នាក់ៗមិនដូចគ្នាទេ ព្រោះថាបើអ្នកចងរឹតបន្តឹងខ្លាំងពេកអាចនឹងរបូតនៅថ្ងៃណាមួយដោយមិនដឹងខ្លួន។

តាមរយៈខ្លឹមសាររបស់តារាសម្តែងស្រីកញ្ញា មាន សូនីតា ខាងលើនេះត្រូវបានទស្សនិកជនយល់ឃើញថាមិនត្រឹមតែន័យដាស់តឿនស្មារតីដល់មហាជននោះទេគឺថែមទាំងបង្ហាញឲ្យឃើញពីចរឹតពិតរបស់នាងដែលអាចសំដៅលើបញ្ហាជីវិតស្នេហាផ្ទាល់ខ្លួនដែលកំពុងនឹងកើតមានឡើងផងដែរ។កម្ពុជាថ្មីនៅរសៀលថ្ងៃទី១០ ខែធ្នូ ឆ្នាំ២០២០នេះមិនទាន់អាចទាក់ទងដើម្បីស្វែងរកការសួរនាំឬបកស្រាយបន្ថែមពីកញ្ញា មាន សូនីតា បាននៅឡើយទេ កម្ពុជាថ្មីស្វាគមន៍រាល់ការបកស្រាយរបស់កញ្ញា៕
ដោយ ៖ ចាន់រ៉ា