ពពោះកូនដំបូង Rihanna លេងស្ទីលខោអាវសុទ្ធតែបះសក់

Rihanna តារា​ចម្រៀងប៉ុបដ៏​ល្បី​ល្បាញមួយរូបនៅលើ​ពិភពលោក ក្រោយ​ចេញ​មុខ​ប្រកាស​ដំណឹងមានកូនដំបូង ឃើញថានាងកាន់តែបញ្ចេញរូបថតពពោះច្រើនឡើងៗពីមួយថ្ងៃទៅមួយថ្ងៃ ខណៈរូបថតទាំងនោះសុទ្ធតែសិចស៊ីខ្លាំង រហូតអ្នកគាំទ្រឃើញហើយមានការភ្ញាក់ផ្អើលសឹងគ្រប់គ្នា។

បន្ទាប់ពីប្រកាសព័ត៌មានជាសាធារណៈអំពីការមានផ្ទៃពោះកូនដំបូងជាមួយមិត្តប្រុសលោក A$AP Rocky កាលពីចុងខែមករា ឆ្នាំ២០២២ ពេលនេះ Rihanna មិនខ្លាចនឹងបង្ហាញរូបថត​ពោះ​ធំរបស់ខ្លួនទៅកាន់មហាជនឡើយ ហើយតាមរយៈការបង្ហាញនេះដែរ អ្នកគាំទ្រជិតឆ្ងាយលាន់មាត់សរសសើរដែលនាងហ៊ានស្លៀកពាក់ស្ទីលប្លែកៗ ព្រមទាំងចូលរួមអបអរសាទរដល់នាងដែលជិតបានឃើញមុខកូនដំបូង។

ជាក់ស្ដែង ថ្មីៗនេះ អ្នកម៉ាក់ Rihanna នៅតែមិនអៀនក្នុងការបង្ហាញខ្លួនលើកម្រាលព្រំក្រហមក្នុងពិធីអបអរម៉ាកយីហោសម្រស់ Fenty Beauty និង Fenty Skin នៅទីក្រុង Los Angeles រដ្ឋកាលីហ្វ័រញ៉ា ទោះបីនាងមានផ្ទៃពោះ ក៏ការតុបតែងខ្លួនមើលទៅមិនឆ្គង ថែមទាំងសិចស៊ី ខណៈអាពាហ៍ពិពាហ៍របស់នាងនិងគូស្នេហ៍ នឹងប្រារព្ធធ្វើឡើងនៅក្រោយពេល Rihanna សម្រាលកូន៕

ប្រែសម្រួល៖ សន្យា

ចុចអាន៖ រាជនី​ប៉ុប​អាមេរិក​​៨​រូប​​លេច​​ធ្លោ​​ខ្លាំង​​ក្នុង​ព្រឹត្តិការណ៍​កីឡា​ Super Bowl

ចុចអាន៖ កម្រាលព្រំក្រហម Met Gala ឆ្នាំ ២០២១ មិនត្រឹមតែការស្លៀកពាក់ប្លែក សូម្បីម៉ូដសក់​ ក៏ប្រសិទ្ធិនាមថា ” សាហាវ “