ជីវិតកម្សាន្ដ

សួង សាខារ៉ានីត វិជ្ជមានជំងឺកូវីដបំប្លែងថ្មី ប្រភេទអូមីក្រុង

បានផុស

៣ years មុន

នៅ

ថ្ងៃព្រហស្បតិ៍ ១៧ កុម្ភៈ ២០២២

ដោយ

តារាសម្តែងស្រីកញ្ញា សួង សាខារ៉ានីត បានប្រកាសឲ្យដឹងនៅមុននេះបន្តិចថា បន្ទាប់ពីសង្ស័យនិងបានធ្វើតេស្តរួចនោះរកឃើញថា ខ្លួននាងមានឆ្លងជំងឺកូវីដ-១៩ បំប្លែងថ្មីប្រភេទអូមីក្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅលើគណនីហ្វេសប៊ុករបស់តារាសម្តែងកញ្ញា សួង សាខារ៉ានីត នាព្រឹកថ្ងៃទី១៧ ខែកុម្ភៈ ឆ្នាំ ២០២២ ជាមួយនៃការប្រកាសថា ខ្លួនបានរកឃើញឆ្លងជំងឺកូវីដ-១៩ បំប្លែងថ្មីប្រភេទអូមីក្រុង តារារូបនេះ ក៏បានអំពាវនាងឲ្យមហាជនត្រូវមានការប្រុងប្រយ័ត្នខ្ពស់ផងដែរ។

បង្ហោះភ្ជាប់វីដេអូរយៈពេលប្រមាណ ៥ នាទីតារាសម្តែង សួង សាខារ៉ានីត បានលើកឡើងថា ខ្ញុំលើកដៃសុំចិត្តអ្នកដែលមានជំងឺកូវីដប្រភេទថ្មី ដែលគិតថាវាស្រាលមិនទាន់មានអ្នកស្លាប់ ដោយសារវាឆ្លងជាៗក៏ដោយសូមសម្រាកព្យាបាលនៅផ្ទះកុំដើរពាសវាលពាសកាលចម្លងគេចម្លងឯងទៀតអី។ កញ្ញា សួង សាខារ៉ានីត បន្តទៀតថា អ្នកមិនទាន់ឆ្លងសូមប្រុងប្រយ័ត្នឲ្យមែនទែនណា កុំមើលស្រាលវាឲ្យសោះ សម្រេចថាបើអត់ការងារសំខាន់ដេកផ្ទះទៅ។ ទន្ទឹមគ្នានេះ សាខារ៉ានីត ក៏បានបញ្ជាក់ថា បច្ចុប្បន្នខ្លួននាងផ្ទាល់ក៏ក្លាយជាអ្នកជំងឺកូវីដ-១៩ផងដែរ បន្ទាប់ពីធ្វើតេស្តរកឃើញសញ្ញាជំងឺនេះ។

តារាស្រី សួង សាខារ៉ានីត និយាយដែរថាក្រោយឆ្លងជំងឺនេះហើយ សម្រាប់នាងផ្ទាល់ពិតជាពិបាកក្នុងការដកដង្ហើម ឈឺបំពង់ក ក្អក និងម្យ៉ាងទៀតក៏មានចេញកន្ទួលរមាស់លើដងខ្លួនទៀតផង ដូច្នេះសូមបងប្អូនកុំមើលស្រាលឲ្យសោះ។ នាងក៏បានអំពាវនាវឱ្យប្រជាពលរដ្ឋបន្តអនុវត្តវិធានការសុខាភិបាល ៣ ការពារ និង ៣ កុំ ផងដែរ៕

សូមទស្សនាវីដេអូ៖

អត្ថបទ៖ ចាន់រ៉ា