ទុក្ខ​ផ្ទួនៗ​!​ អៀម វណ្ណី​ ឪពុក​ទើប​វះកាត់​ឥឡូវ​ ប្រពន្ធ​ជួប​គ្រោះថ្នាក់​ចរាចរណ៍​កំពុង​សង្គ្រោះ​បន្ទាន់​

នេះជារឿងដែលគួរឲ្យរន្ធត់ណាស់សម្រាប់តារាចម្រៀងប្រុសលោក អៀម វណ្ណី និងក្រុមគ្រួសារ ខណៈដែលលោកឪពុកជាទីស្រលាញ់ទើបចូលមន្ទីពេទ្យវះកាត់មិនដល់ ២ថ្ងៃផង ស្រាប់តែភរិយាបានជួបគ្រោះថ្នាក់ចរាចរណ៍ត្រូវចូលសង្គ្រោះបន្ទាន់ថែមទៀត។

បើតាមការបញ្ជាក់ឲ្យដឹងពីតារាចម្រៀង អៀម វណ្ណី កាលពីថ្មីៗនេះបានលើកឡើងថាដោយសារបញ្ហាជំងឺឪពុកជាទីស្រលាញ់របស់លោកកាន់តែធ្វើទុក្ខនោះលោក និងក្រុមគ្រួសារក៏បានបញ្ជូនគាត់មកម ន្ទីពេទ្យដើម្បីព្យាបាលនិងវះកាត់ជំងឺដុះសាច់នៅក្នុងតម្រងនោម។

លោក អៀម វណ្ណី និយាយបន្តថា ជាលទ្ធផលនៃការវះកាត់នោះគឺទទួលបានជោគជ័យ ដោយអរគុណបងប្អូនដែលបាន​សួរសុខទុកឪពុករបស់ខ្លួន។

លោកថា “អធ្យាស្រ័យផងដែលខ្ញុំមិនបានតបព្រោះជាប់បើកឡានមកពីបន្ទាយមានជ័យទើបមកដល់គាត់វះរួចរាល់បានជោគជ័យហើយ(សាច់ដុះក្នុងតម្រងនោម) ដោយឡែកស្រាប់តែនៅថ្ងៃទី ១៦​ ខែកុម្ភៈម្សិលមិញ លោក អៀម វណ្ណី បានបង្ហោះសារយ៉ាងភ្ញាក់ផ្អើល និងរន្ធត់មួយទៀតដោយភ្ជាប់ និងរូបភាពភរិយាដែលជួបគ្រោះថ្នាក់ចរាចរណ៍ថាឆាប់ជាអូនសម្លាញ់។ បើតាមការបញ្ជាក់ពេលនេះភរិយាលោក អៀម វណ្ណី កំពុងសម្រាកព្យាបាលនៅមន្ទីពេទ្យកាល់ម៉ែត្រ៕

អត្ថបទ៖ ចាន់រ៉ា