ជីវិតកម្សាន្ដ

ផេនខេក ប៉ងបញ្ចប់ជីវិត ៣ ដង ព្រោះផុងខ្លួនជំពាក់ បំណុលគេលក់អស់ទ្រព្យគ្មានសល់

បានផុស

៣ years មុន

នៅ

ថ្ងៃព្រហស្បតិ៍ ១៧ កុម្ភៈ ២០២២

ដោយ

តារាសម្តែង និងជាពិធីការិនី ផេនខេក បានទម្លាយយ៉ាងភ្ញាក់ផ្អើលនូវរឿងរ៉ាវ ដែលនាងបានផុង ខ្លួនជាមួយការជំពាក់បំណុលគេរាប់ម៉ឺនដុល្លា ររហូតលក់អស់ទ្រព្យគ្មានសល់ និងប៉ងបញ្ចប់ជីវិតដល់ទៅ ៣ ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីការិនី ផេនខេក បានរៀបរាប់ទាំងទឹកភ្នែកតាមរយៈកិច្ចសម្ភាសន៍មួយថា ដោយសារតែបញ្ហានៃបំ ណុលគេអំឡុងពេលកូវីដ-១៩កន្លងទៅ ទើបធ្វើឲ្យរូបគេធ្លាក់ខ្លួនដល់ចំណុចសូន្យ និងជួបបញ្ហាខ្វះខាតជីវភាពខ្លាំង ដែលធ្លាប់តែរស់ក្នុងផ្ទះធំមានឡានជិះ ប៉ុន្តែពេលនេះ ក៏ផ្តើមរស់នៅត្រឹមតែផ្ទះជួល៤ ជ្រុងប៉ុណ្ណោះ។

ផេនខេក បញ្ជាក់ថា «ខ្ញុំអស់អីហើយ ផ្ទះ ឡាន អ្វីគ្រប់បែបយ៉ាងខ្ញុំត្រូវមករស់នៅក្នុងបន្ទប់ជួល ៤ ជ្រុងដល់រាល់ថ្ងៃនេះ។ ខ្ញុំអាចនិយាយបានថា រាល់ថ្ងៃខ្ញុំគឺពិបាក រងសម្ពាធចិត្ត ខ្ញុំគេងអត់ស្រួល ខ្ញុំវេទនា ខ្ញុំអាចនិយាយបានថា តាមពិតខ្ញុំពិបាកខ្លាំង»។

ពិធីការិនី ផេន ខេក បន្តទៀតថា ចំពោះមូលហេតុដែលធ្វើឲ្យនាងដាច់ចិត្តចង់សម្លាប់ខ្លួនដល់ទៅ ៣ ដងនោះ ក៏ព្រោះតែពិបាកចិត្តរឿងលង់ខ្លួនជំពាក់បំណុលគេ។ ប៉ុន្តែការប៉ងបញ្ចប់ជីវិតនោះមិនបានសម្រេចទេ គឺត្រូវបានការជួយសង្គ្រោះទាន់ពេលរហូត។

ដើមហេតុដែលជំពាក់បំណុលគេនេះ ត្រូវបាន ផេនខេកបញ្ជាក់បន្ថែមថា ដោយសារអំឡុងមុនពេលផ្ទុះកូវីដ-១៩ កាល ២ ឆ្នាំមកនោះ នាងបានខ្ចីលុយគេ ដើម្បីយកមកបង្កើតមុខជំនួញផ្ទាល់ខ្លួន តែដល់ពេលចាប់ផ្ដើមផ្ទុះកូវីដ-១៩ឡើង ធ្វើឱ្យនាងជួបការបរាជ័យលើមុខជំនួញ ទើបមិនអាចរកលុយសងគេវិញបានបង្កផលលំបាកមកដល់ឥឡូវនេះ៕