ជីវិតកម្សាន្ដ
ពេលនេះដឹងហើយ លោកស្រី អេនជឺលីណា ជូលី មកកម្ពុជា ដើម្បីអ្វី?
នៅថ្ងៃទី២២ ខែកុម្ភៈនេះ មានការបង្ហោះ និងចែករំលែងរូបភាពត លោកស្រី អេនជឺលីណា ជូលី (Angelina Jolie) តារាភាពយន្តហូលីវ៉ូដ នៅបរិវេណប្រាសាទអង្គរវត្ត តៗគ្នា ដោយអមដោយសេចក្ដីត្រេកអរ ព្រមទាំងចម្ងល់ហេតុអ្វី លោកស្រី អញ្ជើញមកប្រទេសកម្ពុជានៅពេលនេះ? ទន្ទឹមគ្នានេះក៏មានការលើកឡើងថា លោកស្រី អាចនឹងត្រៀមផលិតភាពយន្តនៅកម្ពុជាបន្តទៀត។ តើអ្វីជាហេតុផលពិតនៃការអញ្ជើញមកប្រទេសកម្ពុជានៅពេលនេះ?

តារាភាពយន្តហូលីវ៉ូដ Angelina Jolie មកបំពេញបេសកកម្មក្នុងរមណីយដ្ឋានអង្គរ ដើម្បីបង្កើតកម្មវិធីចិញ្ចឹមឃ្មុំសម្រាប់ស្ត្រី។ នេះជាការបង្ហាញ ពីអាជ្ញាធរជាតិអប្សរា នៅមុននេះបន្តិច ក្នុងរាត្រីថ្ងៃទី២២ ខែកុម្ភៈនេះ។

លោកស្រី Angelina Jolie បានមកបំពេញបេសកកម្មការងារនៅឧទ្យានជាតិអង្គរ កាលពីថ្ងៃទី២០ ដល់ថ្ងៃទី២១ ខែកុម្ភៈ ឆ្នាំ២០២២ និងបានចូលរួមពិធីសម្ពោធជាផ្លូវការនៃកម្មវិធីចិញ្ចឹមឃ្មុំសម្រាប់ស្ត្រី (Women for Bees) ក្រោមកិច្ចសហការជាមួយអង្គការយូណេស្កូ និងសម្របសម្រួលដោយអាជ្ញាធរជាតិអប្សរា។

កម្មវិធីចិញ្ចឹមឃ្មុំនេះមានគោលបំណងជួយអភិរក្សប្រភេទឃ្មុំ Apis cerana និង Apis dorsata ដែលមានដើមកំណើតនៅក្នុងឧទ្យានអង្គរ លើកកម្ពស់ការចិញ្ចឹមឃ្មុំប្រកបដោយចីរភាព និងពង្រឹងសមត្ថភាពស្ត្រីក្នុងការរកប្រាក់ចំណូលសម្រាប់ផ្គត់ផ្គង់ក្នុងគ្រួសារ និងសហគមន៍របស់ពួកគេ។

សូមបញ្ជាក់ថា លោកស្រី Angelina Jolie គឺជាស្ថាបនិកនៃគម្រោង UNESCO-GUERLAIN “Women for bees” ដែលឧបត្ថម្ភដោយក្រុមហ៊ុន GUERLAIN។ ក្នុងបេសកកម្មនេះ លោកស្រី Angelina Jolie បានទៅទស្សនាប្រាសាទអង្គរវត្តផងដែរ។ ការបង្ហាញវត្តមានដ៏សំខាន់ក្នុងបេសកកម្មរបស់ខ្លួននៅពេលនេះ តារាហូលីវូដរូបនេះ ក៏បានជួយផ្សព្វផ្សាយតំបន់រមណីយដ្ឋានអង្គរ ទៅកាន់ពិភពលោកថែមមួយកម្រិតទៀត ពិសេសក្នុងអំឡុងពេលវិបត្តិជំងឺកូវីដ-១៩ ដើម្បីបញ្ជាក់ថា កម្ពុជាជាគោលដៅទេសចរណ៍ប្រកបដោយសុវត្តិភាព។

គួររំលឹកថា លោកស្រី អេនជឺលីណា ជូលី ធ្លាប់ថតខ្សែភាពយន្ត ហូលីវូដ រឿង Tomb Raider នៅកម្ពុជា និងប្រាសាទអង្គរផ្ទាល់ នៅអំឡុងឆ្នាំ ២០០០ ហើយពេលនោះលោកស្រី បានសុំទារកកម្ពុជាម្នាក់ធ្វើជាកូនចិញ្ចឹម ដោយដាក់ឈ្មោះថា ម៉ាដុក។ លោកស្រី បានទទួលសញ្ជាតិខ្មែរ នៅឆ្នាំ២០០៥។ ជាងនេះទៅទៀត លោកស្រី អេនឌឺលីណា ជូលី ក៏ជាផលិតករ ផលិតភាពយន្តខ្នាតធំ រឿង “មុនដំបូងខ្មែរក្រហមសម្លាប់ឪពុកខ្ញុំ” ដែលយកលំនាំតាមសៀវភៅកំណត់ប្រវត្តិស្ដីពីការរស់រានមានជីវិត ក្នុងរបបខ្មែរក្រហម ដែលលក់ដាច់បំផុតរបស់អ្នកស្រី អ៊ឹង លឿង ហើយត្រូវបានចាក់បញ្ចាំងនៅកម្ពុជាជាលើកដំបូង នៅថ្ងៃទី១៣ ខែកុម្ភៈ ឆ្នាំ២០១៦៕
អត្ថបទ៖ ច័ន្ទ វីរៈ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ