គ្រងមកុដ ៣ខែ Thuy Tien រកចំណូលបានជាង ៣លានដុល្លារ ចូលហោប៉ៅផ្ទាល់ខ្លួន

បន្ទាប់ពីគ្រងមកុដ Miss Grand  International ឆ្នាំ២០២១ បានត្រឹមតែ ៣ខែប៉ុណ្ណោះ បវរកញ្ញាវៀតណាម កញ្ញា Thuy Tien បានធ្វើឱ្យមហាជនបើកភ្នែកធំៗ ដោយសារតែនាងអាចរកចំណូលចូលហោប៉ៅផ្ទាល់ខ្លួនរហូតដល់ ៧០ពាន់លានដុង (ជាង ៣លានដុល្លារអាមេរិក) ឯណោះ។

ចាប់តាំងពីបានគ្រងមកុដ MGI 2021 កញ្ញា Nguyen Thuc Thuy Tien បានក្លាយជាតារាស្រីដ៏មានប្រជាប្រិយភាព និងក្លាយជាបវរកញ្ញាដែលគេស្វែងរកច្រើនជាងគេនៅក្នុងព្រឹត្តិការណ៍ Vbiz ។

ដោយឡែក កាលពីពេលថ្មីៗនេះ ស្ថាបនិក និងជាប្រធាន Miss Grand International លោក Nawat Itsaragrisil បានឱ្យដឹងថា Nguyen Thuc Thuy Tien ឡើងកាន់តំណែងជាម្ចាស់មកុដឯក MGI បាន ៣ខែ នាងអាចរកប្រាក់បានប្រហែល ១០០លានបាត ឬប្រហែល ៧០ពាន់លានដុង។​ ចំណូលដ៏ច្រើនបែបនេះ គឺបានមកពី Thuy Tien ជាប់កិច្ចសន្យាជាមួយប្រេនល្បីៗជាច្រើន មិនថាជាតិឬអន្តរជាតិឡើយ។ មិនតែប៉ុណ្ណោះ នាងទទួលថតស្ពតល្បីៗជាច្រើននៅក្នុងប្រទេសវៀតណាម ខណៈប្រេនសឹងទាំងអស់នៅក្នុងស្រុក សុទ្ធតែមានមុខរបស់នាងបង្ហាញក្នុងការផ្សាយពាណិជ្ជកម្ម។

ក្រៅរកចំណូលបានដ៏សន្ធឹកសន្ធាប់ឱ្យហោប៉ោផ្ទាល់ខ្លួនហើយ បវរកញ្ញាវ័យ២៤ឆ្នាំរូបនេះ បានបង្កើតប្រវត្តិសាស្ត្រ ក្លាយជា Miss Grand International ដំបូងគេ ដែលរកចំណូលបានច្រើនបំផុតឱ្យក្រុមហ៊ុនផងដែរ៕

ប្រែសម្រួល៖ សន្យា

ចុចអាន៖ មើលសឹងមិនស្គាល់ តារាម៉ូដែល មីយ៉ាន់ម៉ា Paing Takhon ក្រោយចេញពីពន្ធនាគារម្សិលមិញ (មានវីដេអូ )