ជីវិតកម្សាន្ដ

លោក ឈិន ឡុង បរិច្ចាគបរិក្ខាពេទ្យដល់ហុងកុងដើម្បីកម្ចាត់កូវីដ

បានផុស

៣ years មុន

នៅ

ថ្ងៃសៅរ៍ ៥ មីនា ២០២២

ដោយ

តារាភាពយន្តអន្តរជាតិរបស់ចិន លោក Jackie Chan ដែលនៅខ្មែរល្បី ឈិន ឡុង បានចូលរួមចំណែកក្នុងការបរិច្ចាគបរិក្ខាពេទ្យដល់ទីក្រុងហុងកុងដែលកំពុងរងការរាតត្បាតខ្លាំងដោយរលកទី៥នៃជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ថា តារាភាពយន្តអាយុ៦៧ឆ្នាំបានបរិច្ចាគឧបករណ៍ធ្វើតេស្តរហ័សចំនួន១០ម៉ឺនប្រអប់ ម៉ាស់ចំនួន១លាន ព្រមទាំងឯកសណ្ឋានពេទ្យ(PPE)ដើម្បីការពារខ្លួន៣ម៉ឺនឈុតសម្រាប់បុគ្គលិកសុខាភិបាល។

លោក ឈិន ឡុង ដែលស្ថិតនៅទីក្រុង Xiamen ប្រទេសចិន ត្រូវបានគេមើលឃើញថា កំពុងជួយរៀបចំការដឹកជញ្ជូនបរិក្ខាទាំងនោះទៅកាន់ទីក្រុងហុងកុង។ តារាភាពយន្តវាយតប់បានជួយលើក ដាក់រៀបចំ និងជញ្ជូនដែលត្រូវបានអ្នកគាំទ្រកោតសរសើរចំពោះសកម្មភាពរបស់លោក។

ជាមួយគ្នានេះ លោក ក៏មិនភ្លេចឈប់ដើម្បីថតរូបជាមួយកម្មករមុនពេលចាកចេញ។ ដូចលោក ឈិន ឡុង ដែរ តារាភាពយន្តហុងកុងផ្សេងៗទៀតក៏បានចូលរួមបរិច្ចាគដើម្បីជួយដល់ការទប់ស្កាត់កូវីដ៕

ប្រែសម្រួល៖ វីរបុត្រ
ប្រភព៖ CNA