បង្ហាញខ្លួន ១ ឆ្នាំសោះ ក្រុម aespa បង្កើត​កំណត់​ត្រា​ ឈ្នះពាន ៣ ​ក្នុង​កម្មវិធីតែមួយ

ក្រុម aespa ដែលជ្រកក្រោមផលិតកម្ម SM ទើបតែ១ឆ្នាំ បន្ទាប់​ពី​ការ​បង្ហាញ​ខ្លួន​ដំបូង អាច​បង្កើត​ជោគជ័យ​ ដោយ​ការ​ឈ្នះពានរង្វាន់​ចំនួន ៣ ក្នុងពិធីប្រគល់ពានរង្វាន់តន្ត្រីកូរ៉េលើកទី ១៩ ដែល​បាន​ធ្វើឡើងកាល​ពី​ថ្ងៃទី ០១ ខែមីនា ឆ្នាំ ២០២២។

aespa បានបង្កើតកំណត់ត្រាថ្មីមួយ ក្លាយជាក្រុមចម្រៀងនារីដែលទទួល​បាន​ពាន​រង្វាន់​ច្រើនជាងគេ នៅ​ក្នុង​ប្រវត្តិសាស្ត្រ​នៃ​កម្មវិធី Korean Music Awards ជាមួយនឹងក្រុម Girls’ Generation និង Brown Eyed Girls ។

គួរបញ្ជាក់ថា aespa បានបង្ហាញខ្លួនជាលើកដំបូង​ ជាមួយ​នឹងបទចម្រៀង “Black Mamba” នៅក្នុងខែវិច្ឆិកា ឆ្នាំ ២០២០ ជាមួយនឹងទិដ្ឋភាពប្លែកពីគេនៃពិភពលោក​ ជាមួយនឹ​ងរូប​តំណាងរបស់ ae ។​ ​ក្នុងនោះ aespa ត្រូវបាន​គេតំឡើងឋានៈ​ថា ពិតជាសក្ដិសម​ ជាក្រុមនារីតំណាងជំនាន់ទី ៤ ពិតប្រាកដមែន។

មិនត្រឹមតែប៉ុណ្ណោះ aespa ក៏សម្រេចបានពានរង្វាន់ Rookie Grand Slam តាមរយៈ​ការឈ្នះ​ពានរង្វាន់ Rookie of the Year ពីរាល់កម្មវិធីប្រគល់រង្វាន់ចុងឆ្នាំនៅប្រទេសកូរ៉េ រួមមាន ២០២១ GAON CHART MUSIC AWARDS, HIGH1 SEOUL MUSIC AWARDS, Asia Artist Awards (AAA)។ ពានរង្វាន់ Melon Music Awards (MMA), Mnet ASIAN MUSIC AWARDS (MAMA) និង GOLDEN DISC AWARDS រួមទាំងការឈ្នះរង្វាន់ធំ ឬ Daesang ក្នុងពេល​តែ​មួយ។

លើស​ពីនេះ សិល្បករ K-POP ដែលបានឈ្នះពានរង្វាន់ក្នុងព្រឹត្តិការណ៍នោះរួមមាន BTS ជាមួយ​នឹង​ពានរង្វាន់តន្ត្រីករប្រចាំឆ្នាំ ,​Chungha ពានរង្វាន់អាល់ប៊ុម K-POP ល្អបំផុតពី Querencia, IU ជាមួយនឹងពានរង្វាន់ Best Pop Album ពី Lilac និងចម្រៀងប៉ុបល្អបំផុត, ពានរង្វាន់ពីបទចម្រៀង “ណាកា” នៃក្រុម AKMU ។ល៕

ប្រែសម្រួល៖ សាង ស្រីល័ក្ខ

ចុចអាន៖តារាកូរ៉េទាំងនេះ ក្លាយជាទូតសុឆន្ទៈប្រចាំម៉ាកយីហោល្បីៗ​ នៅទូទាំងពិភពលោក

ចុចអាន៖Jiyeon សមាជិកក្រុម T-ara ប្រកាសរៀបការក្នុងថ្ងៃតែមួយ ដូចគូស្នេហ៍ Hyun Bin និង Son YeJin