បវរកញ្ញាចក្រវាល Harnaaz Sandhu ប្រែប្រួលរូបរាងខ្លាំង មើលសឹងមិនស្គាល់

ម្ចាស់មកុដបវរកញ្ញាចក្រវាល ឆ្នាំ២០២១ កញ្ញា Harnaaz Sandhu បានធ្វើឱ្យទស្សនិកជនមានការភ្ញាក់ផ្អើលជាខ្លាំង បន្ទាប់ពីនាងបង្ហាញខ្លួនក្នុងរូបរាងធាត់ទ្រលុកទ្រលន់ មើលសឹងមិនស្គាល់។

ត្រឹមតែរយៈពេល ៣ខែនៃការគ្រងមកុដ បវរកញ្ញា Harnaaz Sandhu បានប្រែរូបរាងប្លែកជាងមុន ជាមួយនឹងការឡើងទម្ងន់ខ្លាំង ឯសម្រស់វិញត្រូវបានគេប្រដូចទៅនឹងមនុស្សចាស់ ខណៈនាងទើបមានអាយុ ២២ឆ្នាំ តែមើលទៅដូចនារីវ័យ ៣០ឆ្នាំអ៊ីចឹង។

ជុំវិញការឡើងទម្ងន់ស្រឺតៗនេះដែរ Harnaaz Sandhu បានផ្តល់បទសម្ភាសន៍ថា នាងរមែងញ៉ាំអាហារច្រើន មិនសូវគិតម៉ោងពេល និងចូលចិត្តបង្អែមជាច្រើនមុខដូចជា ស្ករគ្រាប់ និងសូកូឡាជាដើម ហើយនេះគឺ​​ជា​មូលហេតុ​ដែល​នាងមិនអាច​គ្រប់គ្រង​ទម្ងន់ខ្លួនឯង​បាន​។ មិនតែប៉ុណ្ណោះ បវរកញ្ញាឥណ្ឌារូបនេះ បានសារភាពថា ខ្លួនមិនសូវហាត់ប្រាណទៀងទាត់នោះទេ។

ទោះយ៉ាងណា ក្រោយត្រឡប់ទៅអាមេរិក ដើម្បីបំពេញតួនាទីជាម្ចាស់ជយលាភីឯករបស់ខ្លួន គេជឿថា Harnaaz Sandhu នឹងកំណត់របបអាហារបានត្រឹមត្រូវ ក៏ដូចជាហាត់ប្រាណទៀងទាត់ឡើងវិញ៕

ប្រែសម្រួល៖ សន្យា

ចុចអាន៖ Aum ធ្វើឱ្យហ្វេនលាន់មាត់ព្រាត ក្រោយចូលរួមបុណ្យសព Tangmo