ជីវិតកម្សាន្ដ

Lisa ក្លាយជាស្ត្រីអាស៊ីដំបូងគេ របស់ទូតឆន្ទៈ ស្រាវីស្គី Chivas

បានផុស

៣ years មុន

នៅ

ថ្ងៃអង្គារ ១៥ មីនា ២០២២

ដោយ

Chivas គឺជាម៉ាកយីហោនាំមុខគេ នៃស្រាវីស្គី Scotch បានប្រកាសពីការចាប់ផ្តើមរបស់ខ្លួនជាមួយសមាជិក BLACKPINK គឺ LISA ដែលជាសិល្បករ K-Pop ដ៏មានឥទ្ធិពលបំផុតមួយ របស់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាទូតឆន្ទៈថ្មីរបស់ម៉ាកយីហោ និងស្ត្រីដំបូងគេនៅអាស៊ី ក្រោមយុទ្ធនាការ ‘I Rise, We Rise’ ដើម្បីអបអរសាទរ និងផ្តល់កម្លាំងចិត្តដល់មនុស្សជំនាន់ថ្មី ដែលដើរលើមាគ៌ាផ្ទាល់ខ្លួនរបស់ពួកគេ ឆ្ពោះទៅរកភាពជោគជ័យ។ជោគជ័យរបស់ LISA គឺជាអ្វីដែលគ្មាននរណាម្នាក់អាចបដិសេធបាន។ ភាពជោគជ័យ និងស្ទីលរបស់ LISA បានមកពីបទចម្រៀងដែលរួមបញ្ចូល ជាមួយភាពជាអ្នកដឹកនាំ ទំនុកចិត្តលើខ្លួនឯង ការផ្តល់សិទ្ធិអំណាច និងការឆ្លងកាត់ព្រំដែនវប្បធម៌ រហូតក្លាយជាសិល្បករដ៏អស្ចារ្យបំផុតមួយក្នុងពិភពលោក។

លោក Nick Blacknell នាយកទីផ្សារសកលរបស់ Chivas បាននិយាយថា ” នៅពេលដែលយើងឈានចូលយុគសម័យថ្មីសម្រាប់ Chivas យើងឃើញថា វាមានសារៈសំខាន់ខ្លាំងណាស់ ដែលយើងធ្វើជាដៃគូជាមួយមនុស្សដែលមានគំនិតដូចគ្នា។ Lisa គឺជាតារាលំដាប់ពិភពលោក។ លើសពីនេះទៅទៀត នាងគឺជាគំរូសម្រាប់មនុស្សជំនាន់ក្រោយ។ នាងផុសគំនិត និងជំរុញទឹកចិត្តឲ្យមានឥទ្ធិពលលើមនុស្សជាច្រើន មិនត្រឹមតែរបៀបរស់នៅប៉ុណ្ណោះទេ។ ប៉ុន្តែក៏ទាក់ទងនឹងតន្ត្រី និងម៉ូដផងដែរ។ ដូច្នេះ វាគឺជាជំហានមួយឆ្ពោះទៅមុខទៀតសម្រាប់ Chivas ដែលនឹងឈានទៅដល់មនុស្សជំនាន់ថ្មីនៅអាស៊ីដោយចេតនា”។

កិច្ចសហការនេះ ត្រូវបានចាប់ផ្តើមជាមួយ TV Spot ដែលមានចំណងជើងថា “Chivas Regal x LISA: I Rise, We Rise” ដែលថតនៅទីក្រុងសេអ៊ូល កូរ៉េខាងត្បូង នឹងចាប់ផ្តើមក្នុងពេលឆាប់ៗនេះ នៅទូទាំងអាស៊ី៕

ប្រែសម្រួល៖ សាង ស្រីល័ក្ខ

ចុចអាន៖បង្ហាញខ្លួន ១ ឆ្នាំសោះ ក្រុម aespa បង្កើតកំណត់ត្រា ឈ្នះពាន ៣ ក្នុងកម្មវិធីតែមួយ